« آخـــر الـــمـــشـــاركــــات »
:: أبوي (آخر رد :ياسر محمد العتيبي) :: قصيدة (آخر رد :ابو طارق الشمري) :: قصة محري بن قطران مع خدام المرحوم الملك عبدالعزيز القصه الحقيقيه (آخر رد :الفانتوم) :: قبيلة المحاقنة (آخر رد :متعب الوحيدب) :: قبيلة المحاقنة (آخر رد :متعب الوحيدب) :: رواية معركة إشريفة التاريخية بين قبيلة بني رشيد وعنزة (آخر رد :حفيد رشيد) :: رحلة الألم (آخر رد :ياسر محمد العتيبي) :: سهيله (آخر رد :ياسر محمد العتيبي) :: المواهب من الله (آخر رد :ياسر محمد العتيبي) :: راحتي (آخر رد :ياسر محمد العتيبي)

الرئيسية « المحاورات المنقولة الكتابية والأراء النقدية « سلطان الجلاوي * ذيب الشمري ( حفل بقعاء 1432 )

سلطان الجلاوي * ذيب الشمري ( حفل بقعاء 1432 )

تركي الصفياني03-Sep-2011, 04:41 PM

بسم الله الرحمن الرحيم
السلام عليكم ورحمة الله وبركاته
مساااااااااكم الله بالخير
أتيت لكم اليوم بطاروق من فعاليات عيد بقعاء 1432 ه
بين شاعرنا سلطان الجلاوي
والشاعر ذيب الشمري

بدايةً مع
سلطان الجلاوي

يامرحبا بإسم أهل بقعاء معشين الخطاطير
أهل الكرم والوفاء والطيب والأرياء السديدة
_
حيالله الحاضرين وكل عام وانتم بخير
والعيد مبروك جعل الله على خلقه يعيده
ذيب الشمري

فيك البقا يالزميل اللي ترحب فالجماهير
والشعب مسرور في دبرة حوكمتنا الرشيدة
_
ياللي على الوادي الممطور سيرت الطوابير
الله يوفقك في قطع المسافات البعيدة

سلطان الجلاوي

ياذيب ياذيب ياذيب العمودي رفرف الطير
وأنت ماعينت لك صورة على ظهر الجريدة
_
لا تشغل البال وتفكر بطرقة سالم الزير
يكفيك سالم ليا طقت حديدة مع حديدة

ذيب الشمري

لا رفرف الطير رفرف معه في زين التفاكير
من لا معه بيت سكناه في بيت القصيدة
_
البر مزروع بسلاح الدروع وفالمغاوير
وان ظلم الليل يلتف الوليدة فالوليدة

سلطان الجلاوي

لاعاد فالسالفة ياذيب تاخيـــر ومعاذيــر
لاتحسب السالفة ترديدك لبيت النشيدة
_
الله وأعلم يجوز ان صايبك فالجسم تخدير
الرجل لابد ماتمشى الحميا في وريده

ذيب الشمري

جميع ماعندنا يمشي عل حسن التدابير
وانت الجلاوي وتشكر في مساعيك الحميده
_
العالم اللي على دربي يحطون المسامير
اظن هارون حولهم على ست الزبيدة

سلطان الجلاوي

تبغى الصراحة ترانا مالحقنا منك تأثير
الظاهر إنك تسحب أعمار خلق الله مديدة
_
وش رايك إنك تغامر وإحتزم بحزام تفجير
عشان تصبح بعد بكرة مع الناس الشهيدة

ذيب الشمري

جميع شي تسوونه يجيني فالتقارير
الله يسعد نواياكم وليلتكم سعيدة
_
يالمسلم المجتهد ضاقت وسيعات المعابير
انت معقد ولا تنصح سليمين العقيدة

سلطان الجلاوي

ياشمر أنتم هل الطالات من عصر المظاهير
متى نشوف الطنايا معهم سيوفٍ حديدة
_
حنا هل الدين والملة ____ التعابير
اخذ العلوم المفيدة يالعمودي والإكيدة

ذيب الشمري

وانتم عتيبة هل الطالة وطوال الاشابير
تاريخكم يبهج الخاطر وسيرتكم مجيدة
_
ماضاق بالي من الدنيا ومن مزح العصافير
معود السمع للريح الخفيفة والشديدة

تحيتي لكم

قاسي العتيبي03-Sep-2011, 05:03 PM

سلطان الجلاوي وذيب الشمري أول مرة أسمع لهم محاورة

لاتشغل البال وتفكر بطرقة سالم الزير
يكفيك سالم ليا طقت حديده في حديده
بيت قوي من الجلاوي

لارفرف الطير رفرف معه في زين التفاكير
من لامعه بيت سكناه في بيت القصيدة
بيت قوي من ذيب الشمري كذلك

تركي كل الشكر لك على طرحك الراقي

عاشق الطاروق03-Sep-2011, 07:48 PM

لاهنت على النقل شعراء مبدعين

ماضاق بالي من الدنيا ومن مزح العصافير
معود السمع للريح الخفيفة والشديدة

بن قيس العازمي04-Sep-2011, 12:33 AM

صحت السنتهم

لاهنت تركي

سيف السليس04-Sep-2011, 10:47 AM

لا تشغل البال وتفكر بطرقة سالم الزير=يكفيك سالم ليا طقت حديدة مع حديدة

صحت ألسنتهم :)

سرحان الشيباني04-Sep-2011, 09:58 PM

صح لسان ابو صاهد وذيب الشمري

ابدعوووووو

تركي الصفياني07-Sep-2011, 02:12 PM

شكرا لكم جميع على المرور المشرف