ويش أقول ؟ للشاعر الكبير / عبدالله بن عون
فيصل المسعودي22-Jun-2005, 02:36 AM
ياشناح الطول يالظبي الجفول &&&& يامليح الزول ياصاف الجمال
حار فكري فيك مدري ويش أقول &&&& ياجمال أهل الجنوب مع الشمال
فيك من زود البهاء شي يهول &&&& لو يشوفه عاقل صابه اهبال
لو تبي تلبس من اسلابك سمول &&&& تقمر اللي يلبسن أجمل دلال
جيدك المنتول والردف التلول &&&& ولفتة لك منها لفتة غزال
قبل تصدقني بنات الفكر حول &&&& وعقب شفتك لقحن عقب الحيال
واجتمع في خاطري شوق وذهول &&&& ودرت شعري فيك ياصعب المنال
ويوم دررت المشاعر ياخجول &&&& صورت فيك المحاسن والكمال
للشاعر / عبدالله بن عون
مرزوق حمدان العتيبي22-Jun-2005, 09:41 AM
..
صح لسان بن عون
وسلمت يداك ...
فيصل المسعودي23-Jun-2005, 02:57 AM
هلابك مرزوق وصح بدنك يالغالي ومشكورعلى المرور الكريم.
الفليتي23-Jun-2005, 03:31 AM
صح السان قايلهااا
وتسلم يدين ناقلهااا
ويعطيك الف عااافيه يالمسعودي
وتقبل محبتي واحترامي
فيصل المسعودي23-Jun-2005, 05:15 AM
سلمت يالغالي والله يعافيك يالفليتي ومشكور على المرور الكريم الغالي تحياتي الحاره لك.
فتى الهيلا23-Jun-2005, 06:03 PM
صح لسان عبدالله بن عون
ويعطيك ألف عافيه يا المسعودي
فيصل المسعودي24-Jun-2005, 03:30 AM
أخي العزيز داهية عتيبه
شكرا لمروروك الكريم والله يعافيك يالغالي وتحياتي الحاره لك.
متيم عتيبه25-Jun-2005, 12:44 AM
مشكور يا فيصل المسعودي علي ذكرها وصح لسان قائلها
فيصل المسعودي25-Jun-2005, 01:26 AM
الأخ العزيز متيم عتيبه
سعدت بمرورك اخي الكريم وهلابك وتحياتي الحاره لك.
((الدلبحي))29-Jun-2005, 02:34 AM
صح السانك والسان ابن عون
لك الشكر على الاختيار الموفق
تحيااااااااااااااااتي
@المورقي@29-Jun-2005, 02:49 AM
فيصل المسعودي
يعطيك العافية ولاهنت
وصح السان شاعرنا الكبير عبدالله بن عون
تحياتي
فيصل المسعودي29-Jun-2005, 07:46 AM
الدلبحي
تشرفت بمرورك اخي الكريم ولا شكر على واجب والموفق هو انا
بمرورك وقرأتك للقصيده صح بدنك وتحياتي لك
عتيبي الشمال29-Jun-2005, 01:39 PM
ياسلام
قصيده حلوه للشاعر الكبير عبدالله بن عون وسلمت ياكاتب الموضوع
بس عندي تعليق بسيط ويمكن انا مافهمت البيت زين او فيه خلل في النقل
---
قبل تصدقني بنات الفكر حول &&&& وعقب شفتك لقحن عقب الحيال
اذا كان قصد الشاعر ببنات الفكر انهن حيل وقال حول فهذا مأخذ على الشاعر
واذا كان قصده حول وهي العيون المنصفقه فله ماأراد لكن الشطر يصبح
ضعيف ولايناسب الشطر الثاني
للمعلوميه عبدالله بن عون شاعري الاول
فيصل المسعودي29-Jun-2005, 07:44 PM
المورقي
الله يعافيك الغالي تشرفت الصفحه بمرورك الغالي تحياتي لك
فيصل المسعودي29-Jun-2005, 07:49 PM
عتيبي الشمال
الأحلى مرورك وقراتك للقصيده وتسلم يالغالي من كل شر
أما بالنسبه للبيت الذي ذكرته أنا نقلت القصيده من كتاب
أجمل ماقيل في العشق للامانه لأنه البيت قاله الشاعر ويبقى
هو الادراء ولكن انا نقلت القصيده لأعجابي بها فنقلتها لعلها
تعجبكم فتحياتي لك ولمرورك وشكرا للجميع.
ابن مجيول11-Jul-2005, 12:28 AM
مشكور يا فيصل المسعودي 000
علي ذكرها وصح لسان قائلها000
ويعطيــــك الف العافيه 000
تحياتي لك 000
فيصل المسعودي11-Jul-2005, 12:44 AM
أخوي فتى الهيلا
مشكور على المرور الكريم واسمحلي على تاخر الردعليك
توني أشوف ردك اسمحلي يالغالي تحياتي .
فيصل المسعودي11-Jul-2005, 02:03 PM
ابن مجيول
عفوا يالغااااالي وصح بدنك وشكرا لك على المرور الكريم
تحياتي
