سفر الدغيلبي وصقر سليم حصرياً

سفر الدغيلبي وصقر سليم محاوراتهم تعد على روس الأصابع

ولكنها غير عن باقي المحاورات

أترككم مع الطاروق



سفر الدغيلبي
سلام والتاخير وأحكام الظروف = ماهيب مقصوده ولامتعمده
من عصر وأنا في المطار أسعى وأطوف = والله ماكني مواطن في بلده


صقر سليم
يامرحبابك وأنت ضيف من الضيوف = لو كان جاله ظرف ماهو في يده
أمّا الخطوط نظامها شي معروف = لكن عادي وأشكر الله وأحمده


سفر الدغيلبي
ياصقر صرت وحيد من بين الصفوف = من تحت مزنٍ يفجع القلب رعده
أمّا تحمل قوّ مضراب السيوف = ولا منامٍ فوق حيد المسنده


صقر سليم
لاوالله الا ماعليه منك خوف = واللي زرعته في زمانك تحصده
هذا سفر محتاج له وزنة بلوف = حتى يعد الخط قدمه وبعده

سفر الدغيلبي
ماأنت أول اللي مات من كثر الحسوف = قبلك فلان نحدره ونسنده
سفر من سباعِ تحوف القوم حوف = ولا البقيلي راقدٍ في مرقده


صقر سليم
ماتلحق الشكات ياكود الضعوف =وأنت تجيب علوم غير موكده
المشكله قلبك كبر راس الخروف = واللي يبا ذبحتك يبشر بسعده

سفر الدغيلبي
وصاك أبوك وصيةٍ بأربع حروف = والعود طيب والمصيبه في ولده
سليم ربعك صفقولك بالكفوف = خذ وحده مني وباقي وحده

صقر سليم
وأنت ولد عودٍ يبى منك مخلوف = لكن عاقبته وضيعت جهده
ربعك عتيبه طبلولك بالدفوف = لو انها بالانقراض مهدده


سفر الدغيلبي
حاولت أوصف صقر معدوم الوصوف = بقيليٍ مقرود والله يقرده
عتيبه أخذوها جبر وانته تشوف = لاتجحد اللي طوعك لاتجحده


صقر سليم
اما انت في التوصيف ماتبغى كلوف = دغيلبيٍ في المياه الراكده
تبا تحذف الناس وأمسيت محذوف = ودك تسابق واليدين مقيده


سفر الدغيلبي
انت تعيفني وأنا نفسي عيوف = ولا الصقور أنواعها متعدده


البيت الصحيح
انت تعيفني وأنا نفسي عيوف = ولا البقول أنواعها متعدده
ما ادري مالهدف م التحريف
الاداره

.

سفر اركى شوي على صقر
وزعل ابن عتقان في نفس الطاروق
ولعب طواريق ممتازه جدا
بصراحه سفر شاعر عتيبه فتل ونقض ودفاع وهجوم
ومافيه حيله
انتهى زمن الاحتكار
سفر فرض نفسه بالقوه ونال المكانه التي يستحقها
واتوقع ان يكون احد شعراء المغتره هذا السنه نظرا لغياب بعض شعراء عتيبه الكبار
فالزلامي والعصيمي تأكد عدم حضورهما
وحبيب لا نعلم سيحضر ام يغيب
وملفي وسفر قوه ضاربه

تشكر على ذائقتك الشعريه وطاروق جزل

سفر شاعر متمكن واثبت وجوده وصقر سليم شاعر جزل وثقيل

ابدعوا كلهم

الاخ منصف في زمن الظلم

متى تحدد موعد المغتره وياليت تذكر لنا المصدر

صحت اللسنة الشاعرين



كلهم شعراء متمكنين ومبدعين



لاهنت على النقل القيم

لاهنت يابو عاتق على الأختيار الرائع
لكن بيت سفر الأخير
يقول
أنته تعيفني وأنا نفسي عيوف .. وألا البقول أنواعها متعددة

البقول وليست الصقور

سفر اركى شوي على صقر
وزعل ابن عتقان في نفس الطاروق
ولعب طواريق ممتازه جدا
بصراحه سفر شاعر عتيبه فتل ونقض ودفاع وهجوم
ومافيه حيله
انتهى زمن الاحتكار
سفر فرض نفسه بالقوه ونال المكانه التي يستحقها
واتوقع ان يكون احد شعراء المغتره هذا السنه نظرا لغياب بعض شعراء عتيبه الكبار
فالزلامي والعصيمي تأكد عدم حضورهما
وحبيب لا نعلم سيحضر ام يغيب
وملفي وسفر قوه ضاربه

سبحان الله تتكلم وكانك ماكد كلامك

سفر سبق ودخل المغتره يعني اذا اقيمت فهو اول الحاضرين ولكن المغتره مافيه مغتره اخذالعلم من منسق المغتره والمسوول عن الشعراء

انته تعيفني وانا نفسي عيوف :: ولا البقول أنواعها متعدده

أسف ويشهد الله انها غير مقصوده ولامتعمده

الشريط ماهو واضح بالحيل

ولكن أعتبروها غلطه مطبعيه وأن شاء الله ماعاد تتكرر

وشكرآ للاداره

*

ماحصل الا الزين يابو عاتق
لكن انا سمعت المجاورة قبل يومين في قناة الساحة وحملتها على جوالي
وبعد ماقرئتها في راس الموضوع اكتشفت الخطا وقلت اذكرك فقط

مشكور على النقل المميز

عطونا القاف اللي بين ابن عتقان سفر بعد هذا القاف

قاف جميل والدغيلبي ما فيه حيله

شكراً للجميع على الحضور المميز

أنتظروني !!*

ماتلحق الشكات ياكود الضعوف =وأنت تجيب علوم غير موكده

بيت صقر سليم عن المحاوره باكملها

محاورة قوية

سفر شاعر لكن صقر غير

سفر شاعر لكن صقر غير

لا يابندر سفر الشاعر الاول على الشباب وشوي ويتربع على هرم المحاوره

ويستاهل ابو سعد عزالله انه عملاق

اللي عندي قاله عثمان الله يعطيه العاافيه

بندر المقاطي بالله عليك تهرج من جد

طيب حمدان العضياني وش رأيك فيه

بندر المقاطي بالله عليك تهرج من جد

طيب حمدان العضياني وش رأيك فيه

الله يهديك اجل امزح هذاا رايي بيدك تاخذه وبيدك تتركه

حمدان اقل من مستوي منيف المنقره