24-Aug-2005, 12:48 AM
من قال له كلمـه لـزوم يحماهـا
ومن سارله فـي درب لازم يتمـه
ومن قدم الحسنى يلاقـي جزاهـا
ومـن ذم خلـق الله يلقـى مذمـه
ومن شان لحيه تحشم لحاً وراهـا
ولاخير في من لايحشم بن اعمـه
واللـي بـزلات الرفيـق يتباهـا
هذا خلق والحقـد يمشـي بدمـه
وناس على الجيران يكثـر غثاهـا
ماعندهـا شيمـه وقيمـه وذمـه
والشجرة اللـي مايـذري ذراهـا
حتيش لو هـي كالجبـل مدلهمـه
ومن سب خطلان اليدين وشنهاهـا
يلقى رجـال فـي طمانـه تطمـه
ومن شب له فتنه يطولـه سناهـا
لابد مـا ينسـم مـن نـوع سمـه
واللـي يمـن بمدتـه لا عطاهـا
عسى يده تنقص مـن فـوق كمـه
ونفس عن العليـا خنعهـا رداهـا
هذي اساساً مـن اصـول مرمـه
وترى المراجل ماتجي من بغاهـا
لاصار مايركـض عليهـا بهمـه
المرجله سكـه وصعـب مداهـا
ومن لاعرف درب المراجل تزمـه
تبي لهـا صبـر علـى مبتداهـا
وتبي لها همه ليـا صـرت قمـه
وبعض العرب تفخر بماضي قرباها
وهذي من اسباب انتكاسات الامـه
تفخر بماضي جدودهـا وتعصاهـا
عن سير اهلها سايرت كـل خمـه
ماخلـدت لفعـول اهلهـا بقاهـا
ولاهمهـا شمـل الرفاقـه تلمـه
بياعة ذممهـا لمـن هـو شراهـا
بدري عليهـا درب اهلهـا تتمـه
ومن ضيع سلوم الجدود ونساهـا
غلطة ابوه اللي تخيـر لـه امـه
ويصبر على الجمره قدم من وطاها
وكلن يشيل همـوم نـاس تهمـه
واعرف ترى الدنيا سريـع فناهـا
افنت رسل واصحاب وافنت أئمـه
والعمر فتـره والسنيـن تحداهـا
ودرب النهاية وجهة الوجـه يمـه
للشاعر// فهد البداح ( الشلهوبي )
ملطوشـــــــــــــــــــــــــه
ومن سارله فـي درب لازم يتمـه
ومن قدم الحسنى يلاقـي جزاهـا
ومـن ذم خلـق الله يلقـى مذمـه
ومن شان لحيه تحشم لحاً وراهـا
ولاخير في من لايحشم بن اعمـه
واللـي بـزلات الرفيـق يتباهـا
هذا خلق والحقـد يمشـي بدمـه
وناس على الجيران يكثـر غثاهـا
ماعندهـا شيمـه وقيمـه وذمـه
والشجرة اللـي مايـذري ذراهـا
حتيش لو هـي كالجبـل مدلهمـه
ومن سب خطلان اليدين وشنهاهـا
يلقى رجـال فـي طمانـه تطمـه
ومن شب له فتنه يطولـه سناهـا
لابد مـا ينسـم مـن نـوع سمـه
واللـي يمـن بمدتـه لا عطاهـا
عسى يده تنقص مـن فـوق كمـه
ونفس عن العليـا خنعهـا رداهـا
هذي اساساً مـن اصـول مرمـه
وترى المراجل ماتجي من بغاهـا
لاصار مايركـض عليهـا بهمـه
المرجله سكـه وصعـب مداهـا
ومن لاعرف درب المراجل تزمـه
تبي لهـا صبـر علـى مبتداهـا
وتبي لها همه ليـا صـرت قمـه
وبعض العرب تفخر بماضي قرباها
وهذي من اسباب انتكاسات الامـه
تفخر بماضي جدودهـا وتعصاهـا
عن سير اهلها سايرت كـل خمـه
ماخلـدت لفعـول اهلهـا بقاهـا
ولاهمهـا شمـل الرفاقـه تلمـه
بياعة ذممهـا لمـن هـو شراهـا
بدري عليهـا درب اهلهـا تتمـه
ومن ضيع سلوم الجدود ونساهـا
غلطة ابوه اللي تخيـر لـه امـه
ويصبر على الجمره قدم من وطاها
وكلن يشيل همـوم نـاس تهمـه
واعرف ترى الدنيا سريـع فناهـا
افنت رسل واصحاب وافنت أئمـه
والعمر فتـره والسنيـن تحداهـا
ودرب النهاية وجهة الوجـه يمـه
للشاعر// فهد البداح ( الشلهوبي )
ملطوشـــــــــــــــــــــــــه
