طاروق ينتظر شاعر

بسم الله الرحمن الرحيم


سلام الله سلامن من هجوسن عرفها مضمون
تكشف مثل برقن بالسما يفرح به الظامي

جمال عقيل تمشى فالبلاد ومشيها بالهون
ولا ادري وش تسوي في نهارن مدهله حامي


انتظر منكم الرد

وعليكم السلام ورحمة الله وبركاته


الا يا مرحبا ترحيب ياصل عدّه المليون = تراحيب تترجم بالحروف وعد الارقامي

جمال عقيل في دبرة عصاها والرسن مرسون = ولكن تاصل اطراف الجنوب ونجد والشامي

صح السنتكم

واصلوووووووووووووووا

نبا نطلق رسنها لين نعرف خافي المخزون
لاجل طرفن مريضن له ثلاث سنين مانامي

كفاها ما لفاها والسوالف علمها مرهون
بعد مالله رماها في نجومن بحرها طامي




ومشكور اخوي ابن نعيس لمرورك

تفلسف دامها جت فرصتك يالشاعر الملسون = و نعطيك الوسام موقعينه بامرنا السامي

تركد واعرف الساحه لها يا صاحبي قانون = و فيها قاضيٍ ما يحكم الا حكم الاعدامي:)

حياك الله يبن نعيس ومرورك شرف للمحاوره

..
الله على الابداع ...
زعيم القوافي ... وعلى القحطاني ..
على القوّه يالابطال ..
ترانا متابعين ومستمتعين ..
....

الله الله

صح لسانكم جميع الاخوان :

زعيم القوافي + علي القحطاني ..

زعيم القوافي
علي القحطاني

مبدعين

واصلوا لاهنننننتوا


تحياتي للجميع

...
.

الليل مانبي الطاروق يابرد ..

خلوها قماري ..
.

:)

انا عارف لها معنى واصون لباسها المصيون
واداوي جرحها ثم أجرحه ياجرحها الدامي

لك الله لو بغيتك ربع ساعه تمسح الطبلون
ولا ياطيب عينك كان ما هبن الانسامي

هلاا والله اخواني ابو مشعاب ومرزوق والشمالي الغربي منورين الصفحه

الله يعطيكم العافيه وأنا متابع هذا الفن الجميل
تحيااااااتي للشاعرين

الله الله

صح لسانكم جميع الاخوان :

زعيم القوافي + علي القحطاني ..

ازهلو الصفوف يالربع

تحيااااااااااااااااااااااااااتي

,
,
صحت

الألسن والأبدان

يالشعارمتابعين ومستمتعين,,

الاخوان الافاضل:

ابو محمد
ابو مشعاب
الشمالي الغربي
زعيم القوافي
المستكشف
الدلبحي
الايداء

والله ان مروركم ومتابعتكم تجبرنا على ارضائكم فخلوكم متابعين

لا هنتوا

علامك مندفع ومولّع الجمره على الغليون = عسى الله يحفظ النعمه وينصر دين الاسلامي

ترا فالملعبه ننفخك ونفشّك كما البالون = وتبقا بيننا مجهول في صفحات الاعلامي

صح السنتكم


طاروووق يستاهل المتابعه



واصلوووووووووووووووووووووو

انا بنشدك يابن الناس دام ان الجنون فنون
قبل يدخل على علم العرب شكات وآثامي

لزوم احداك لين انك تقدم قرصك المدهون
ولا ابغاها تجي يابن العرب رميه بلا رامي



حياكم الله اخواني تاااااااابعونا

ترا بعض السوالف خايبه من غير طعم ولون = سوالف بس تصلح لهل صفوى واهل الاوجامي

تسرحها وهي بقرون ثم ترجع بدون قرون = بعد نطح الجبال النايفات كبار الاجرامي

خلووووووووووووووهاااااا

استلم ياعلي

عينت الشايب اللي راح عمره يا علي من دون
مزاريق الرماح بشان راي(ن) قدمه عامي

وصارت نكبته من شرهته يضحك بدون سنون
يبا العمره لبيت الله بلا ميقات واحرامي

خلووووووووووووووهاااااا

استلم ياعلي

عينت الشايب اللي راح عمره يا علي من دون
مزاريق الرماح بشان راي(ن) قدمه عامي

وصارت نكبته من شرهته يضحك بدون سنون
يبا العمره لبيت الله بلا ميقات واحرامي

شـــي يجــــــــــذب المتذوق
بيـــض الله وجـــوهكم .

ووجهك ابيض اخوي اللطام ولا هنت عل المرور

ترا اللي ما يركز في كلامه يعتبر مجنون = ولكن رب كلمه منه حكمه ضمن الاحكامي

نغز العود في عين الحسود الهالك الملعون = ليا قامت همومه تدفعه وأضغاث الاحلامي

مشكوور اللطام ومشكوور اخوي علي


استلم ياعلي



علامك قمت تاخذ من رصيد البنك مابه لون
ولا ياطيب سيف الزير دايم يلطم الكامي

بعد طاحت عصا موسى وعفت السحر يافرعون
صدق من قالها مادام فيها شب ولحامي

الله الله ..


انا عندي علاج الوسوسه والسل والطاعون = ولي في النار ميسم يكوي المحتاج وينامي
ولو موس الحلاقه يمسحك في داخل الصالون = يروح الشارب اللي تفتله باصباع الابهامي

طيب طيب

ليا دارت رحانا يالسنافي حبكم مطحون
يصيبك في لسان الكبد حرقة موت وزيامي

اقوله والعرب ياصاحبي يدرون ما يدرون
عسى ربي يلوم اللي بمثلك ياعلي لامي

لا هنت يالغالي والله يبيض وجهك و تشرفت والله باللعب معك ..

صح لسانك وبدنك

صح بدنك وانا والله اللي اتشرف دمت بصحه وسلامه