23-Jun-2007, 08:12 PM
اهدي لكم هذه القصيدة
وارجوا ان تحوز على رضاكم
لشاعر / سالم الرويس ,
ياذا الطريق اللي ترابـك هواجيـس
وصمتك على قاسي زمانك سوافـي
أحفا ثراك آهل النضا وآهل العيـس
ولا دلّهـك ترديـدهـم للقـوافـي
تطفي من أيـام السعـادة فوانيـس
والحزن لو تطفيه ماهـوب طافـي
وجهك مهو وجه السنين المعابيـس
تضحـك وربـك عالـم ٍ بالخوافـي
الله عليـك إنـك بعيـد المراميـس
وافي ولا مثلك علـى البيـد وافـي
ما اطلقت دمع ٍ في عيونك محابيس
تعمى العيون ودمعتك مـا تشافـي
جيش الحزن يجتاح قلبـك كراديـس
وردك على نشدة عذولـك عوافـي
تمرك اللي ما طوتهـا الاحاسيـس
ناس مهي ويـا القلـوب الصخافـي
وإن كان تبغى للقهـاوي محاميـس
خذ لك جواب عن خوى الراس شافي
اليوم كل في الزمن خاشـر بليـس
حتى العفيف اللـي منـول سنافـي
حده زمانه ما لقـى لـه موانيـس
لوكان كـل اللـي يشوفـه يعافـي
جامل خشاش الارض هي والهداريس
ورجـا عـذوق ٍ مالهنّـه خرافـي
مانيب ألوم اللي زهـد فالقرانيـس
لا صـار تفعـل فعلهـا ماتشافـي
ألوم وقت ٍ ما درى بامـرئ القيـس
ولا عرف منهـو قتيـل الرعافـي
وألوم وقت ٍ ضمّرك يـا الحراميـس
وانتـي منـول مـا تبيـك الفيافـي
وألوم وقت ٍ وجبّـك يـا الدنافيـس
ومن اول ٍ مـع المزاهـب خفافـي
وألوم وقت ٍ كل ما شاف له هيـس
يقـول ذا الرجـال رمـز العفافـي
وقت ٍ غدت فيه الرعاويـن فريـس
واهنيهـم مـا دامهنّـه عـوافـي
واليوم ياوقت الشقا بلعـن ابليـس
أنـا ليـا شفـت التجاهـل عيافـي
نفسي عزيزه ماتبي عرش بلقيـس
لا صار ما دونـه حـداد ٍ رهافـي
خلوني أمشي في طريق الهواجيـس
أخير من درب ٍ ليـا جيـت جافـي
وخلوني أصنع في حياتي قواميـس
ربيع عمـري دايـم ٍ مـن جفافـي
يسدني ارعـى النجـوم المراويـس
شابت ونا لليوم مـا شـاب قافـي
ويسدني حتـى الليـال الخراميـس
علـى جدايلهـا نقشـت اعترافـي
ويا شرهتي ضمي هبوب النسانيـس
مادام فكـري للهواجيـس صافـي
خلينـي أغنـي لكـل المتاعـيـس
وصح الله لسانك من الراس كافـي
وارجوا ان تحوز على رضاكم
لشاعر / سالم الرويس ,
ياذا الطريق اللي ترابـك هواجيـس
وصمتك على قاسي زمانك سوافـي
أحفا ثراك آهل النضا وآهل العيـس
ولا دلّهـك ترديـدهـم للقـوافـي
تطفي من أيـام السعـادة فوانيـس
والحزن لو تطفيه ماهـوب طافـي
وجهك مهو وجه السنين المعابيـس
تضحـك وربـك عالـم ٍ بالخوافـي
الله عليـك إنـك بعيـد المراميـس
وافي ولا مثلك علـى البيـد وافـي
ما اطلقت دمع ٍ في عيونك محابيس
تعمى العيون ودمعتك مـا تشافـي
جيش الحزن يجتاح قلبـك كراديـس
وردك على نشدة عذولـك عوافـي
تمرك اللي ما طوتهـا الاحاسيـس
ناس مهي ويـا القلـوب الصخافـي
وإن كان تبغى للقهـاوي محاميـس
خذ لك جواب عن خوى الراس شافي
اليوم كل في الزمن خاشـر بليـس
حتى العفيف اللـي منـول سنافـي
حده زمانه ما لقـى لـه موانيـس
لوكان كـل اللـي يشوفـه يعافـي
جامل خشاش الارض هي والهداريس
ورجـا عـذوق ٍ مالهنّـه خرافـي
مانيب ألوم اللي زهـد فالقرانيـس
لا صـار تفعـل فعلهـا ماتشافـي
ألوم وقت ٍ ما درى بامـرئ القيـس
ولا عرف منهـو قتيـل الرعافـي
وألوم وقت ٍ ضمّرك يـا الحراميـس
وانتـي منـول مـا تبيـك الفيافـي
وألوم وقت ٍ وجبّـك يـا الدنافيـس
ومن اول ٍ مـع المزاهـب خفافـي
وألوم وقت ٍ كل ما شاف له هيـس
يقـول ذا الرجـال رمـز العفافـي
وقت ٍ غدت فيه الرعاويـن فريـس
واهنيهـم مـا دامهنّـه عـوافـي
واليوم ياوقت الشقا بلعـن ابليـس
أنـا ليـا شفـت التجاهـل عيافـي
نفسي عزيزه ماتبي عرش بلقيـس
لا صار ما دونـه حـداد ٍ رهافـي
خلوني أمشي في طريق الهواجيـس
أخير من درب ٍ ليـا جيـت جافـي
وخلوني أصنع في حياتي قواميـس
ربيع عمـري دايـم ٍ مـن جفافـي
يسدني ارعـى النجـوم المراويـس
شابت ونا لليوم مـا شـاب قافـي
ويسدني حتـى الليـال الخراميـس
علـى جدايلهـا نقشـت اعترافـي
ويا شرهتي ضمي هبوب النسانيـس
مادام فكـري للهواجيـس صافـي
خلينـي أغنـي لكـل المتاعـيـس
وصح الله لسانك من الراس كافـي
