صافي على صافي
الجـــــارح13-Jul-2003, 10:09 AM
الشاعر اللي يبغى العب يرد
سلام يالعتبان *** والعرف شانه شان *** والخيل فالميدان *** صافي على صافي
الشعر فيه اصناف *** ياشاعر الميقاف *** واخلاف ماش اخلاف *** صافي على صافي
الحر الأشقر13-Jul-2003, 10:23 AM
يامرحبا وأهلا،، مثل العسل وأحلا،،ومن النفيس أغلا، صافي على صافي
وين أنت يالجارح،، اليوم والبارح،، منتب معي سارح،، صافي على صافي
الجـــــارح13-Jul-2003, 10:31 AM
دام البقا حياك *** ياشاعرا نبغاك *** والجود في يمناك *** صافي على صافي
موجود تالقاني *** لاصرت تبغاني *** عندي خبر ثاني *** صافي على صافي
الحر الأشقر13-Jul-2003, 10:40 AM
حنا ندوركم،، وأيضا نقدركم،، دايم نبادركم،، صافي على صافي
خلك معي دايم،،دام البخت قايم،،لو يصحي النايم،، صافي على صافي
الجـــــارح13-Jul-2003, 10:47 AM
القدر متواصل *** لكن معي واصل *** والعلم اله فاصل *** صافي على صافي
لد النظار عالي *** للهرش جمالي *** وتسعين محتالي *** صافي على صافي
الحر الأشقر13-Jul-2003, 11:03 AM
صداقتي تبقى،، مع روق مع برقى،،،كالعروة الوثقى ،، صافي على صافي
خل الجمل يرعى،،، لا حصل المرعى،، في ظل أخو شرعى،، صافي على صافي
الجـــــارح13-Jul-2003, 11:11 AM
ياليت تفهمني *** حتى تكلمني *** وعرف وعلمني *** صافي على صافي
الهرش ماله حيل *** كلن عليه ايشيل *** فالصبح ولا الليل *** صافي على صافي
الحر الأشقر13-Jul-2003, 11:27 AM
مسرعك تنساني،، ياطيب الشاني،، وأنا عضياني،، صافي على صافي
من يوم ماله حيل،، وشلون كيف يشيل،، إستح من الريجيل ،،، صافي على صافي
الجـــــارح13-Jul-2003, 11:30 AM
ماني بناسيكم *** الله يعافيكم *** والمرجله فيكم *** صافي على صافي
هذه هو المقصود *** والصادرات اورود *** مانقرب المنقود *** صافي على صافي
الحر الأشقر13-Jul-2003, 11:43 AM
الشعر إله معنى،، كانك تبى معنا،، فالمنهج إتبعنا،، صافي على صافي
رميتها وأخطيت،، واخلفت وزن البيت،، ومع الهبوب أدويت،،، صافي على صافي
الجـــــارح13-Jul-2003, 11:49 AM
اسمع واخذ مني *** الشعر اله فني *** لاتخلف الضني *** صافي على صافي
ياجاهل القصه *** قص الاثر قصه *** والحبل من قصه *** صافي على صافي
الحر الأشقر13-Jul-2003, 11:57 AM
الشعر مع مطلق،، مفعوله المطلق،،اللي عليه إطلق،، صافي على صافي
رخصه عموميه،، تعط العليميه،،وشقلت في ذيه،،، صافي على صافي
الجـــــارح13-Jul-2003, 12:04 PM
مطلق هوالاول *** انقل وان طول *** والعازمي مول *** صافي على صافي
كثر العليميه *** غلطه مروريه *** وفيهم حراميه *** صافي على صافي
الحر الأشقر13-Jul-2003, 12:26 PM
من مات للجنه،، والحي للسنه،، ولا العرب منه،، صافي على صافي
للسجن ودوهم،، وبالضرب ربوهم، وبعدين فكوهم،، صافي على صافي
الجـــــارح13-Jul-2003, 12:45 PM
الله يجزاهم *** وبالخير ممشاهم *** والعز مبداهم *** صافي على صافي
السجن قد عبوه *** والسوق ماكبوه *** والعيد قد جابوه ***صافي على صافي
