مدح في عبد العزيز ال جلوي لشاعر سالم بن ملهي الدغيلبي

هذه القصيدة قالها سالم بن ملهي الدغيلبي
في الأمير عبدالعزيز بن محمد آل جلوي


لا و الله اللي قربت نقلت الطير ـــــــــــــــــــ من يوم بان سهيل عقب الكسوفي
تجمعت عقب الغياب الصقاقيــر ـــــــــــــــــــ كــل يشــيل الطير فــوق الكفوفي
كل يشيل الطير ويلوح عصيـــر ـــــــــــــــــــ عسى تعبهم في الطيور مخلوفـــي
متولمين للحبارى المعابيــــــــر ـــــــــــــــــــ الطير جاهز و المواتر وقوفــــــي
مافيه عذر ولا تفيد المعاذيـــــر ـــــــــــــــــــ كمل بقرناسة عديم الوصوفـــــي
متى يعود من الإجازة على خير ـــــــــــــــــــ اللي اليا جيته يقدر ظروفـــــــــي
راع العلوم الطيبة و المقاديــــر ـــــــــــــــــــ منصاي لا شحت على الظعوفـي
كريم سبلا في الليالي المعاسير ـــــــــــــــــــ اللي ليوعود بالمواعيد يوفــــــــي
نسل الرجال اللي تقود الطوابير ـــــــــــــــــــ مطوعت عدوانها بالسيـــــــوفي
لانا طحن ورد المنايا المصادير ـــــــــــــــــــ زيزومها عبدالعزيز معروفــــي
الشور شوره لوتطول المشاوير ـــــــــــــــــــ والشوف شوفه لاقصر كل شوفي
هداج تيماء ما يحسب المخاسير ـــــــــــــــــــ جمايله محصي عددها ولوفـــــي
غيث الرجال أهل الوجيه المسافير ـــــــــــــــــــ وفرحة خوياً بالسجون محذوفي
يا سعود له عندي معزه و تقدير ـــــــــــــــــــ عندي يعادل نور عيني وشوفـي

أخوكم:سعود بن سالم الدغيلبي.........



تحياتي للجميع

يستاهل الأمير عبدالعزيز بن محمد آل جلوي



وصح لسان والدك الشاعر المبدع الكبير

صح لسان الشاعر سالم الدغيلبي ويستاهل الامير عبد العزيز بن جلوي

صح لسانه
وبيض الله وجهك يبناخي وننتظر جديدك ومقصرت

صـــــح لسان الشاعر




ابو رسام



والامير يستاهل القصيد فيه



ويعطيك العافيه اخـــــوي سعود ولا هنت


وتقبل مروري

صح لسانك ولسان الشاعر وننتظر منك الجديد