قصيدة مؤثرة للشباب والبنات المراهقين خصوصا

يا بنت أرجوك أنا مأقدر كفاني ماضـي الغلطـات=اخـاف الله يعذبنـي وأنــا خــواف يابنـيـه

واخـاف ابساعـة اللـذه يجينـا هـادم اللـذات=ويأخذ من حشـى جوفـي بقايـا روحـي الحيـه

أنا ليّه ثمان اسنين وأنا مدمـن علـى الشهـوات=ديـار الفسـق حاستهـا مواطـي تحـت رجليـه

عيوني من كبـر همـي تخلـط الـدم والعبـرات=مِسيل الدمـع مـن عينـي حفـر بالخـد ماريـه

صحيح إنك جميله بس تبنا مـن هـوى الزينـات=تركنا الحـب غصـب وطـوع للعيـن الشقاويـه

يابنت أنتي على بالك أبأخذ مـن بنـات الشـات؟=أجل مجنون أنا يـا بنـت أشيـل العقـل بيديّـه؟

ترى أكبر شيء يربطني مِعك جوال ابـو شاشـات=وهاتـف ينقـل أشواقـي علـى نبـرات سلكيـه

وترى كل العلوم اللـي عطيتـك بالهـوى كذبـات=وحتـى دمعتـي يـوم الفـراق الصعـب كذبيـه

هذاك اليـوم ماهلـت عيونـي لجلـك الدمعـات=لأن الدمـع ماينثـر بقـصـه حــب وهمـيـه

أنا أضحك مِعك واضحك منك ..عليك أكثّر الضحكات=كأنـي بالهـوى جنـي.. يعـبـي راس جنـيـه

يابنت الناس عزك فـي سـوادٍ يستـر العـورات=وعزي في شماغ أحمر.. وثوب أبيض.. وطاقيـه

سعودييـن نفخـر فـي عبـايـات السعـوديـات=نغـض الطـرف إجـلالً إذا شفنـا السعـوديـه

وخليجييـن نفخـر فـي عبـايـات الخليجـيـات=نغـض الطـرف إجـلالً إذا شفـنـا الخليجـيـه

الله يعطيك العافيه

يابنت الناس عزك فـي سـوادٍ يستـر العـورات وعزي في شماغ أحمر.. وثوب أبيـض.. وطاقيـه


هذا بيت القصيده

تسلم أخوي الجو راسي ولاهنت

تقبل مروري

الاخوان مجول العصيمب __ رمزي المقاطي

شكرا على المرور الكريم