محاورة مبكية بين اب وابنه (صوتية)

http://www.abo-ali.com/mp3/dm3t_sjeen.mp3





للتحميل ...... Save target As

http://www.abo-ali.com/mp3/dm3t_sjeen.mp3


كلمات الأنشودة

الابن
يابوي أنا جيت لك والنفس ندمانه ::: وفي القلب نارِ تشب وتشعل أشعالي
ولدك تاه الطريق وكثرت احزانه::: وشرب المرارة وغيره يشرب الحالي

الاب
رح خل ينفعك من طاوعت شيطانه ::: صاحبك راع الوفا اللي ماله أمثالي
صديقك اللي يعدك ثالث أخوانه ::: وشلون خلالك وقت الضيق للصالي

الابن
يابوي عطفك رميت الروح بأحضانه ::: ونثرت دمعة سجين شاف الأهوالي
لا عاد تذكرلي الماضي وخلانه ::: راحوا وشفني وحيد جالس لحالي

الاب
غرتك دنياك والايام خــوانه ::: رضيت في الصحبة الحسنه بالأنذالي
وأغضبت ابوك وفضحته بين جيرانه ::: نزلت راسه وهو في مامضى عالي


الابن
أنت السبب في الخطا وانا ادفع أثمانه ::: أهملتني وانشغلت بجمع الأموالي
خليتني للهوى وإبليس وأعوانه ::: يلعب بي الجهل من جالِ ليا جالي

الاب
أنا أجمع المال واتعب حيل من شانه ::: قرش على قرش وريالٍ على ريالي
واشري لك اللي تبي من وسط دكانه ::: وتختار سيارتك لو سعرها غالي

الابن
يابوي أنا جيت والعينين غرقانه ::: تايب على الذنب وأرجي رحمة الوالي
السجن قطع فؤادي صمت جدرانه ::: وظلمى زواياه عنها موتي أشوى لي

الاب
تعال ياروح ابوك ونبض وجدانه ::: لاعاد تشكي وتبكي يابعد حالي
الذنب ذنبي وصار وشفت برهانه ::: وقررت أخلي الطمع وأهتم بعيالي


استغفر الواحد المعبود سبحانه ::: ومن رفقة السوء أحذر كل الأجيالي
وانا أوصي الاب من فضله واحسانه ::: لاتشغله عن عياله كثر الأعمالي

سلامي للجميع

فكرة جميلة ومعبرة ..

الف شكر لك ..

مشكور على الانشوده

وبيض الله وجهك

والله يعطيك العافيه

تقبل مروري

جزاك الله خير اخوي ابو ضيف الله .. فعلا انها مؤثره جدا .. اسال الله ان لايحرمك الاجر والثواب ...

ابو ضيف الله بيض الله وجهك ابداع بمعنى الكلمة وقصيدة موثره جدا

يعطيك العافيه على المحاوره المؤثره

كثره المال تجلب الدمار للبيوت

لاهنت يا ابو ضيف الله

اختيار رائع لقصيدة مؤثرة بالفعل :(

ولكن قرأت سابقا ً

أن هالقصيدة للشاعر ناصر القحطاني

لاهنت وماقصرت

ابو ضيف الله بيض الله وجهك

ابداع بمعنى الكلمة وقصيدة موثره جدا

لاهنت يا ابو ضيف الله

الله يعين الاباء على اولادهم

ابو ضيف الله بيض الله وجهك ابداع بمعنى الكلمة وقصيدة موثره جدا