رثاءاً بالبطل .. وفخراً بالفعل ..

بسم الله .. الرحمن الرحيم
رثاءا بالبطل .. وفخرا بالفعل بعد أن رأيت وبعد أن سمعت ..
قصيدة .. في جدي الأمير : عبدالله بن محمد بن علي الدهاسي.. الجثامي العتيبي ..
..


هات القلم والبوك يامحمد عبيِد = أنا بديت اللي .. عسر مبدّاه ..!!
فالصدر أوحيلي زفير وتناهيد = وفالراس بيتٍ .. زين لفظة ومعناه ..!!
يشوش في طاري .. مطمّ المسانيد = راع .. الفخر والعز والطيب والجاه ..!!
حل الحبال المعضلات المجاويد = وزبن الدخيل .. اللي بضيقه تنصّاه ..!!
شبه الجبال اللي ترسّت على البيد = وشبه السباع الضاريات المغذّاه ..!!
اللي تأمر فوق حزم الجلاميد = واربع مراكز تتبعه .. واتعداه ..!!
لاقال أخو نورة .. من القوة (الحيد) = يخرَ لين .. انه يجي تحت ماطاه ..!!
يالله يافكاك .. ضيق المناكيد = عساه فالفردوس وأخيره .. واعلاه ..!!

وسلامتكم ..
.

صح السانك يالغالي
والنعم فيك وفي جدك

زبن الدخيل ..
صح لسانك .. مدد بلا عدد ..
يستاهل الممدوح .. هذه القصيدة الرائعة ..

لاهنت ..

..

الله الله

..

صح لسانك يازبن الدخيل ..

ويستاهل الممدوح ..

:)

أخوك

صح بدنك يبوداحم ولاعليك زود..
يالذيب
..
.

السماري .. :) ياهلا والله ومسهلا صح قلبك
وكلك .. وتستاهل الطيب ياغالي
..
.

أبونجر .. هلا هلا هلا هلا ياذيبان ..
صح بدنك .. وسلمت على مرورك
وتستاهل الطيب ..

زبن الدخيل ..
صح لسانك .. مدد بلا عدد ..
يستاهل الممدوح .. هذه القصيدة الرائعة ..

لاهنت ..

صح لسانك يا زبن الدخيل

قصيدة جزلة ورائعة

تحياتي

صح لسانك مليووووووون ياولد العم

صح بدنك يبوسلطان .. وتستاهل الطيب يامشرفنا الغالي

الله الله الله.

صح لسانكـ على هالرائعة يالقثامي.

تحياتي.:)

@