انا عود ٍ بنيت الجدر

السلام عليكم ورحمة الله وبركاته


مساكم الله بالخير ..


نتشرف باللعب مع الاولين والجدد ..


بسم الله ..


سلام الله سلامٍ على روس الرياجيل=رياجيل ٍ تعرف الخطا قبل الصوابي

وانا عَود ٍ بنيت الجدر بالحط والشيل=لكن البيت يا اصحابنا من دون بابِ



فيصل الثبيتي

هلا وغلا يافيصل واتشرف باللعب معك


هــلا يا مرحبا مـن رجالــن تعـدل الميـل تـحـق الحـق ترجـي مـن الله الـثـوابــي
ما اقول الا تبى تنفـرج وتبـان ياسهيل ابيـك اتخطهـا خـط في صـدر الكتـابـي

الله الله يالصاروخ ..


الشرف لي يا طويل العمر ..



واستلم يا بعدي /



يدوم إلك البقا والعرب في تالي الليل=تحط إلك السوال وتبا منك الجوابي


انا بنصحك يا طير لا تشرب من النيل=ولا تاكل طعام العقارب والدوابي

فيصل الثبيتي


عشت عشت


ويعيش الصاروخ

كبتن عتيبه

مرحبا بك يا ابن العم ..

وعاشت ايامك .. حضوركـ مطلب ومكسب ..

فيصل

خلووووووووووووووووووووووووها




والا يافيصل الكيل ما نقص من الكيل
لكن الجن دايم تخاف من الشهابي
تبا تنصح وانا كاسبن كل المحاصيل
سؤالن جاء لمصري وجاوب ياخرابي

هلا وغلا ياكبتن اعتيبه ومثل ماقال اخوي فيصل حضورك مكسب

عشتو جميعن الليل

خلوووووووووووها ..




على دمك نسوي تحاليل ومحاليل=وننشر علمها .. للحضور وللغيابي

يا ما شالله على حنظله ولا على هيل ؟=مليت البيت ولا توسدت الجرابي ؟

طحطوح نجد ..


يا هلا بك يا بعدي .. وعاشت ايامكـ ..

فيصل

خلووووووووووووووووووووها

على دمي يافيصل تبى تلقى المحابيل
وتلقى ذيبن اشهب تخاويه الذيابي
على علمن ينزه عن اهل القال والقيل
يومنك ترخي اذنك وتطرد لك سرابي

الله الله ..


صح لسانك يا ذيب ..

والختام من عندك يا بعدي ..


خلوووها



من ايّا قوم ياللي معك شلفا ودربيل=ولا دربلت في بيتي وحضرة جنابي

تجملنا لكن العرب ماهيب بالحيل=خلقنا من ترابي ونرجع للترابي

اقول والله اني تشرفت باللعب معك واباك توعدني بطاروق ثاني في اي وقت

خلووووووووها

من ارجال الوفا للضيوف اتذبح الحيل
ولا الثبيتي لاهو نبي ولا صحابي
تبى تشتال حملك وتبرك غصب ياشعيل
بعد روحت لقمة بين ضرسي ونابي

والله ونعم يالصاروخ ..

وعلى خشمي طال عمرك .. وقت ما تحب ..

تصبح على خير ..

عليه الشحم ياثبيتي وانت من اهله

بيض الله وجيهكم ومقصرتم

محراف رائع صحت السنتكم يالثبيتي والصاروخ

مساوط نجد

وجهك ابيض يا بعدي ..

لا هنت عالحضور

فيصل

صح بدنك يا ذيب الملاعب

ويا هلا بك مليون ..

فيصل