المزهريه

بديت بأسم مكنون الكون بايام"="الواحد المعبود رب البريه
عالم وبنفوس المخايق علام"="ولاتخفي نفوس البشر عنه نيه
سر ياقلم واكتب ولا تكتب ارقام"="واكتب هجوسٍ من ضميري نديه
يمكن تريح هاجسٍ صار عوام"="دام الشعر قالوا يسلي خويه
اصدرت للمعنى تواثيق واحكام"="وطوعت به كل البيوت العصيه
وسبحت بحر الشعر والموج لطام"="واظهرت منه حروف لولو هديه
حتى يبين الخط من روس الاقلام"="وحتى الفهيم يعرف كل القضيه
ووجهتها مني لشعارٍ كرام"="ناسٍ لهم بقلوبنا مقدريه
شعار بالهيلا وللشعر اعلام"="والشعر يجمعني بهم بالهويه
اخوان لي فالدم وفي دين الاسلام"="اهل الكرم واهل البيوت الذريه
وودي اداعب كل هاجوس فهام"="يحلل المعنى وله نار حيه
وانا لكم بنهاية الامر خذام"="ان كان لي بالمنتدى قابليه
الطيبه من طيبها دوم قدام"="ولا الرديه مانجيب الرديه
من راح مصلب الراس غشام"="جانا ضلال المزنه العقربيه
اللي يراوسها معاصير وعسام"="ويمكن تغط الجره الاوليه
ريميةٍ رامو لها اريام باريام"="وترم ماتلقى بليه رميه
والوقت فيه رمام للزرع رمام"="والماء يشح وبذرها له سقيه
كان افطموها قبل حزات الافطام"="عقب الدلي والغرب صارت هبيه
الها زبون الحرد زيزوم جزام"="يقلب الافكار صبح وعشيه
صبي توحيد ومصلي وصوام"="دايم على الحق مايحب الخطيه
والبندق اللي مالها فاللقا حزام"="يروح مافيها وتصبح عصيه
وانتم فشقها يام ولا من الشام"="وارقوا بعالي نايفاتٍ عليه
والزين له فالسوق شاري وسوام"="والدار وحده والليالي مديه
واللي يخايل رايح المزن من عام"="ماشد يحسب للسحايب بقيه
لاضاحكٍ والله ولاني بلوام"="والضحك من لاشي غايه غبيه
وانا ادري ان العز ماهو بالاحلام"="لكن خواطر جات في مزهريه
وصلاة ربي عدة حروف الانعام"="وعدة حروف كتابنا الابجديه
واعداد منهو فالحرم يلبس حرام"="حجاج في بيض الحرام النقيه
على نبيٍ كسر رموز الاصنام"="وحطم حصون الشرك والجاهليه
هذا ترى ماقال نوماس بأحكام"="تزحف معانيها شويه..شويه



بكل ود
اخوكم نوماااااااس|2|

نوماس

صح لسانك....

قصيده جزله جزله جزله....

وحياك الله عند ربعك...

وحنا تحت امرك....


تحياتي

صح بدنك اخوي طلال واشكرك وشهاده افتخر فيها خصوصاً من شاعر مثلك

لاهنت وجعلك ذخر



بكل ود
اخوك نوماس

صح السانك يا نوماس



وحياك الله


ولك تحياتي

هلا اخوي نوماس


صح لسانك على هالقصيده

ولا هنت

مصافحة أولى ولا أروع...
حياك الله وياهلا وغلا..
لك قابلية ونص :)
ونفتخر بوجود هذا القلم..
وصاحبه ...
بيننا...






تحيااااااااتي.

نوماس

بيض الله وجهك

قصيده في غاية الروعه

نتمنى المزيد من ابداعك



-

نو
م
ا
س
صح لسانك صح لسانك

صح لسانك وحياك الله

اخ عزيز وقلم رائع وشاعر فحل

لك مني كل التحيه

اخوك ذيبان

فلاح المورقي
ابن مورق
وصل (ادلعك وصول)
خالد العصيمي
ن
ا
د
ر الامير
ذيبان الذيابي

صح الله ابدانكم ولاهنتوا


اخوكم نومااااااس