طائر الاشجان !! طاروق خفيف

يا طاير الاشجان وش رايك بطاروق(ن) خفيف = نبى نسولف ونتناقش فالقضايا كلها
الله خلق خلقه وفيهم مبصر وفيهم كفيف = وناس(ن) تضيع القايله يا ناس وش نعملها

الله الله


سولف وانا وياك ياسلطان للمجلس نضيف = كل العلوم الي ندٌور للمشاكل حلها
وش عاد ترجي من ردي الحظ والحال الضعيف = ماهو بزايد خير لكن القلوب يعلها

الله الله


سولف وانا وياك ياسلطان للمجلس نضيف = كل العلوم الي ندٌور للمشاكل حلها
وش عاد ترجي من ردي الحظ والحال الضعيف = ماهو بزايد خير لكن القلوب يعلها




الاوله لازم يجازا من يبنط فالرصيف = من يشان يصحى للدروب الواسعه ويدلها
والثانيه وش واجب الجندي من اخوه العريف = اللي تمر ايام واحواله ما احد يفطلها

ياصاحبي بعض البشر مايردعه حدٌ الرهيف = من يوم عاشت فوق وجه الارض هذا دلها
الي حدا عن سكة الاجواد فاليوم الكليف = اخير له يقعد عوين الي تغزٌل غزلها

ياصاحبي بعض العرب مايردعه حدٌ الرهيف = من يوم عاشت فوق وجه الارض هذا دلها
الي حدا عن سكة الاجواد فاليوم الكليف = اخير له يقعد عوين الي تغزٌل غزلها




اليا لقا الصمله وشاف الوضع قدامه مخيف = والله ليركد والاوامر كلها يذعنلها
فريقنا واحد ما قسم بين اساسي ورديف = والناس فيها ناس ما ترسل ولو نرسلها

انا ادري انك تبذل المجهود يا عبداللطيف = مير البطاله زياده والخير مايحصلها
اهم حاجه لا لقيت الوجه والقلب النظيف = احرص عليها والعلاقه لاتطوي حبلها

انا ادري انك تبذل المجهود يا عبداللطيف = مير البطاله زياده والخير مايحصلها
اهم حاجه لا لقيت الوجه والقلب النظيف = احرص عليها والعلاقه لاتطوي حبلها



كل(ن) يجازا بعمله والي مشا السلم الشريف = من حقه يوصل ديار(ن) غايته ياصلها
حنا نبى الوحده لجل نرقا على الضلع المنيف = ونزيد غل اهل الكبود اللي قديم(ن) غلعها

الله الله



مبدعين



صح ألسنتكم

ابو غازي

صح بدنك

لاهنت على المرور

متى تعوٌد حرٌة الروقه مثل جنة جنيف = يمكن بعد يوم القيامه ماهو طنيٌ قبلها
الواقع ان الجرح غاير والدوا زاد التزيف = ان كان مالله ردٌها من رحمة ٍ تنزلها


سلطاان ولله ماعاد اشوف من النوم والصلاه جاتنا

صح لساانك وتشرفت بمجاراتك والليالي مقبله :)

تصبح على خير

صح بدنك


بيض الله وجهك مبدع دايم