ياقادح الناس بعدك كم خذت من بعير = وانته على حالتك ولااختلف لونها

السلام عليكم

مسا الخير



ياقادح الناس بعدك كم خذت من بعير = وانته على حالتك ولااختلف لونها

لكن خلك مع السلمان وانحر مطير = ازريت في لابتك لاتملي عيونها

الله الله


صح لسانك مدد بلا عدد

وعلى شاااانك


وننتظر قااااادح ..

..

عقاب العنزي صح لسانك
وننتظر ابوعاتق وصح لسانه

خيال الصفرا

صح بدنك وياهلا ومسهلا

تقديري

..

النشمي

صح بدنك ولاهنت يالغالي

..

الله الله


بعير يقوى الحمل , وبعير ما فيه خير = وبعض البعارين ودّك لو يذكّونها
أنته , وشاهر , وابن مجوّل ..ومثلك كثير = عاداتكم لازموها !! لا تخلوّنها

جميع الأخوان اللي شرفتوا الصفحة ..

لكم الشكر الجزيل ..

نلتقي الليلة يا عقاب إن شاء الله ..

وهو كذلك الليله الوعد ان شاء الله

تقديري

..

مالوم ربعك يوم ٍ خلوك رتبة خفير = منته بندّ الذياب ان حدت اسنونها

ياطير ياللي إلك عامين عاجز تطير = خلك في شونك وخل الناس في شونها

الله الله
صحت السنتكم

النشمي

شاكر لك مرورك المشرّف

تقديري

ههههههه . الله يكافيك ..

الله الله



الحال ميسور والدنيا تراها بخير = وإن عوّدت للذياب .. امفقّع عيونها
ودي أجاملك وأقول أنت شاعر خطير = مير البلا في رحاتك ..بان مطحونها !!

حيا الله أبو فهد ..

منوّر الصفحة يالعود ..

طيب طيب



يامكبر الفرق ياواد الرشا مع جرير = ياعسرها مير بعض احيان ياهونها

ماني بحاجة مجامل دام سيفي شطير = لكن روس العرب لاتغادر امتونها

الله الله


كنت أحسب إنك بحر . لكنك أثرك غدير = ما أنته بقد الهقاوي و لا انته ب(دونها) !!
إن طعتني رد سيفك يا ولد فالجفير = كم ناس وقت الملاقا خابت ظنونها



يا صبح أصبح .. صح لسانك يا عقاب .. وتصبح على خير ..

نتناقل الشعر قبل البل تعرف الشعير = لكن ّ سوق المعاني حسب قانونها

ياثبيت بعد المعزه والمقام الكبير = طاحت متاريسكم وانهدت احصونها

صح بدنك ياقادح وتلقى خير


تقديري

..