تعال يالعمدة بعد ماغلّق الراي السديد
سعود البرقاوي21-Jan-2010, 12:50 AM
تعال يالعمدة بعد ماغلّق الراي السديد= ابا اخذ علومك وانا عجلان والساري سرى
الرمية اللي قمت تحذفها ورى الحيد البعيد= عساك ترميها على النيشان والساري سرى
عيد بن مرضي21-Jan-2010, 12:54 AM
الله الله
والساري سرى
صح لسااااااانك يا مستقبل عتيبه
ولسااااااااان عمدة الشعار
ان قاله الله متاااااااااااااااااااااابع لكم :)
سعود البرقاوي21-Jan-2010, 01:01 AM
الله يبيض وجهك يابن مرضي
تواجدك وحضورك يعني لنا الشيء الكثير
شكرا لك
رعد الروقي21-Jan-2010, 01:03 AM
ابسط يدينك يالنفاعي وانت اكيد المستفيد=احفظ من الايات فالقرآن والساري سرى
طول الرقاب وقصرها ما كلف السيف الحديد=لكن جنب يالجمل شقران والساري سرى
سعود البرقاوي21-Jan-2010, 01:14 AM
ههههههههههه طيب طيب ياساتر
عزالله اني يارعد خابرك شيطانٍ مريد = اعوذ بالله منك يالشيطان والساري سرى
هات الخبر ود الخبر شغلتك ياساع البريد =واليا طلبت فلان جاك فلان والساري سرى
رعد الروقي21-Jan-2010, 01:22 AM
هههههه
اللي يقدم روح عن دينه ويرخص بالرصيد=في ذمتي ماهو مثل نومان والساري سرى
ان وقعت فالجندي المعثور والا فالعــــقيد=ما طففت في كيلة الميزان والساري سرى
سعود البرقاوي21-Jan-2010, 01:31 AM
طيب طيب طيب
الخطر الاحمر لاتمره شوف لك دربٍ جديد = لاصرت ديّن تبخص الاديان والساري سرى
الاولة حظك ردي والثانية هل من مزيد = اهرج مدام الهرج بالمجان والساري سرى
رعد الروقي21-Jan-2010, 01:47 AM
الله الله الله
العلة اللي شفتها في زيد صارت في عبيد=اثر الثنين المبتلين اخوان والساري سرى
يا بدو ياللي في طرف عسفان مدري في قديد=ام الكباير في طرف طهران والساري سرى
سعود البرقاوي21-Jan-2010, 01:53 AM
ههههههههههههههه
ياسلام ياسلام
عان الحمامة يارعد غنت على غصن الجريد = مار البلا في طير ابن برمان والساري سرى
ام الكباير لو نبا نطلق علاها ام العبيد = يبي يبين الفرق فالاخوان والساري سرى
رعد الروقي21-Jan-2010, 02:04 AM
ههههههه
يا سعود يوم تقيم .. والثاني تطري بالشديد=وراك ما تختار فالامران والساري سرى
سكنت معها يا طويل العمر في بيت القصيد=ما عاد لك مخراج مهما كان والساري سرى
رعد الروقي21-Jan-2010, 02:07 AM
الله الله
والساري سرى
صح لسااااااانك يا مستقبل عتيبه
ولسااااااااان عمدة الشعار
ان قاله الله متاااااااااااااااااااااابع لكم :)
هلا ومسهلا يا عيــــــــــــــــــــد
نورت وشرفت بالحضور والمتابعة
صح بدنك ولاهنت
سعود البرقاوي21-Jan-2010, 02:16 AM
طيب طيب يارعد
هذا انت دايم فيك خفة دم واسلوبك فريد = ماهوب دايم بس بعض احيان والساري سرى
الرامي القناص فالمقناص مدري وش يصيد = قلّه يكثر لك من الغزلان والساري سرى
سـعـد الـعـصـيـمـي21-Jan-2010, 02:30 AM
هههههه
صحت السنتكم على هالقاف
سعود البرقاوي21-Jan-2010, 02:35 AM
سعد العصيمي
صح بدنك وعساها ضحكةٍ دايمه
رعد الروقي21-Jan-2010, 02:41 AM
الله الله
البرمكي يعلن ولاه الصبح في قصر الرشيد=لكن قلبه يظمر العصيان والساري سرى
لولا غلا المذكور جزيته برمحي فالوريد=حتى يظلي درس للعميان والساري سرى
المقدام21-Jan-2010, 02:49 AM
الله الله ..
صحت السنتكم
ولاهنتم على هالطاروق ..
واصلوا واصلوا
سعود البرقاوي21-Jan-2010, 02:52 AM
في دفتر التاريخ راجع صفحة المجد التليد = وتقرى فعول معرب الجدان والساري سرى
فرصة سعيدة يارعد في ليلة اليوم السعيد = واقدم لك الشكر والعرفان والساري سرى
سعود البرقاوي21-Jan-2010, 02:53 AM
المقدام
هلا والله ومسهلا بالغايب الحاضر
نورت المتصفح واهله
رعد الروقي21-Jan-2010, 02:57 AM
راجعت صفحاته وحصلتك على صفحة وحيد=عنوانها الاجحاف والحرمان والساري سرى
العفو واليا جات في مقتل ترى مانته شهيد=ما ينوجر من يركز السيقان والساري سرى
رعد الروقي21-Jan-2010, 02:58 AM
هههههه
صحت السنتكم على هالقاف
مرحبا يا سعد العصيمي
منور ومشرف بحضورك الكريم
صح بدنك ولاهنت
رعد الروقي21-Jan-2010, 02:59 AM
الله الله ..
صحت السنتكم
ولاهنتم على هالطاروق ..
واصلوا واصلوا
اهلا وسهلا يالمقدام
نورت وشرفت بمرورك العطر
صح بدنك ولاهنت
سعود البرقاوي21-Jan-2010, 02:59 AM
هههههههههههههههههه
العمدة
الله يبيض وجهك
ماعاد به وقت والا مافكيتك لين نصلي الظهر
صح لسانك مليون
وحبينا نمزح معك ونستفيد يا استاذنا الكبير وشايبنا
لاهنت
لاهنت
لاهنت
والى لقاء قادم
رعد الروقي21-Jan-2010, 03:04 AM
هههههههههههههههههه
ماعاد به وقت والا مافكيتك لين نصلي الظهر
ههههههههههههه
يالله دخيلك
الله لا يوليك على المسلم
هههههههههههههههههه
العمدة
الله يبيض وجهك
صح لسانك مليون
وحبينا نمزح معك ونستفيد يا استاذنا الكبير وشايبنا
لاهنت
لاهنت
لاهنت
والى لقاء قادم
ووجهك ابيض يا سعود البرقاوي
فايدة ومكسب لي مجاراتك طال عمرك ولا عليك زود
صح لسانك مليار
ولا شنت لاشنت لاشنت
تقديري لك
علي الشهراني21-Jan-2010, 12:14 PM
الله الله
طاروق رائع و ممتع
صحت السنتكم جميع
سعود العصيمي21-Jan-2010, 12:25 PM
البرمكي يعلن ولاه الصبح في قصر الرشيد
لكن قلبه يظمر العصيان والساري سـرى
لولا غلا المذكور جزيته برمحي فالوريـد
حتى يظلي درس للعميان والساري سـرى
ههههههههه
الله الله
عليكم يامجرمين
قاااف فايف ستار
صح لسااانك يالعمده المجرم
في دفتر التاريخ راجع صفحة المجد التليد
وتقرى فعول معرب الجدان والساري سرى
فرصة سعيدة يارعد في ليلة اليوم السعيـد
واقدم لك الشكر والعرفان والساري سـرى
هههههههه
الله واكبر على الابداااااع
ابو فهد صح لسااااانك حتى ترضى
حاكم الغنامي21-Jan-2010, 12:33 PM
لولا غلا المذكور جزيته برمحي فالوريـد
حتى يظلي درس للعميان والساري سـرى
ول ول ول
صح لسانكــ
وصح لسان ابو فهد الهامور
فايز بن سرحان الثبيتي21-Jan-2010, 03:01 PM
عان الحمامة يارعد غنت على غصن الجريد
مار البلا في طير ابن برمان والساري سرى
الله اكبر
سعود بيض الله وجهك على الابدااااااع
البرمكي يعلن ولاه الصبح في قصر الرشيد
لكن قلبه يظمر العصيان والساري سـرى
العمده بيض الله وجهك على هالجزاله
صحت قلووووبكم
رفيع المنزل21-Jan-2010, 03:19 PM
شعراء جزلين
ومحاورة كبار
صحت السنتكم وتقبلو مروري
رعد الروقي21-Jan-2010, 08:43 PM
الراي السديد // سعود العصيمي // حاكم الغنامي //ابن سرحان الثبيتي // رفيع المنزل
حياكم الله جميعاً
منورين الصفحة ومشرفين الموضوع
صحت ابدانكم وقلوبكم
صاهود21-Jan-2010, 08:46 PM
رعد الروقي21-Jan-2010, 09:21 PM
ارحب يا صاهود
نورت وشرفت
صح بدنك ولاهنت
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
