و عنز على الهيلا و خل الهلايم

بسم الله الرحمن الرحيم

أخوني أعضاء و زوار منتدى عتيبه الهيلا المحترمين

أسمحوا لي بهذه القصيدة في صديقي معيض بن ضيف الله النفيعي المشهور با ابن هضلا صديق وفي و جاء له مع جزاء مزعل السمي البقمي وقفات طيب لا تعد و لا تحصى و قد فاضت قريحة صديقه جزاء بهاذي القصيدة نوع رد لجميل العتيبي بيض الله وجهه.


سر يا نديبي فوق عجلة همايم=عديمةٍ خسران من كان باعها
لكسز صغيره و السماء ليس غايم=و جنب عن الضيق و أخذ مع وساعها
و عنز على الهيلا و خل الهلايم=أهل بيوت(ن) واسعات(ن) رباعها
و إنص الرجال اللي على العز دائم=عتيبه الهيلا تعلت رفاعها
و إنشد عن اللي ميسرٍ بالغنايم=و خل الضعوف اللي ردا البخل صاعها
معيض ضيف الله قوي العزايم=إن كان بعض الناس صحبتك باعها
و تلقى النفيعي جاهز(ن) بالكرايم=و الخاطر الطيب و زينة طباعها
و قل له جزاء يشكرك جالس و قايم=و البيض تنشر لك و يبنى شراعها
يا عزوة اللي جاء له الدهر ظايم=يا خيرة الأجواد يا أبو شجاعها
يفدونك أهل الحسد و أهل النمايم=و قطاعة الأرحام داخل رباعها
و المعذره يا أهل العقول الفهايم=لا جاء قصور من السمي في وداعها
و عداد ما نحت خلوج الحمايم=صلوا على المبعوث بالحق داعها
تحياتي

بيّض الله وجهك ياابومزعل البقمي

وماهو غريب مزارق طيب بين عتيبي وبقمي

صح لسانك

وكما قال عبدالمجيد ,,

صح السااااااااااانك

إعتذار حيث سقط بيتين من القصيدة سهواً

يفدونك أهل الحسـد و أهـل النمايـم × و قطاعـة الأرحـام داخـل رباعهــا
و حنا البقوم اللي نحوش الغنايــــــــم × هل صوله و جوله ليا جاء صراعها
و كل القبايل بالوفاء و التمايـــــــــــــم × لا ثور المعصار في وسط قاعهـــا

تحياتي

عبدالمجيد النفيعي

بيض الله وجهك و لا هنت و الطيب بين الطيبين يا الطيب

تحياتي

مشاري الحبردي

صح بدنك و أشكرك على المرور

تحياتي

مرزوق الجعيد

صح بدنك و أشكرك على النصيحه

تحياتي

بيض الله وجدك يابقمي ملاعلاك زود

بيض الله وجهك يابقمي و لاعلاك زود

سيف الجعيد

و أنت وجهك أبيض و لا هنت و أشكرك على المرور

تحياتي