محجبة سعودية في تركيا اثارت الشاعر مشبب بن مهياع فخرا بها وبحجابها

***** سفيرة الحشمة *****
(بنت أبو متعب)
محجبة سعودية في تركيا أثارت قريحة الشاعر/ مشبب بن مهياع فخراَ بها وبحجابها


شدي النقاب وغتري الشال تغتير = وحطي العباية فوق راسك شهادة
ولا تقبلين من البشر كل تغيير = ممشاك مابين العذارى عبادة
فديتك وفديت حشمتك تقدير = وفديت من حلاك سكر زيادة
سبحان من صورك بالحسن تصوير= وميزك من بين الخلايق ريادة
لك هيبة تهتز منها الطوابير= قلدك أبو متعب وسام وقلادة
شفتك ودقيت التحايا تعابير= يا بنت أبو متعب قوي الإرادة
حسيت كن النفس والروح بتطير = فخر بشعب المملكة والقيادة
سفيرة الحشمة وبنت المناعير = بنت لحر هيبته من هداده
زرت أتاترك وشفت ميدانهم غير = وشفت الغواء وشفت العراء فيه عادة
وشفت الشباب يطاردن الغنادير = وشفت البشر فيهم برود وبلادة
وقارنت في الموقف وجتني التفاكير = يا من عرف قيمة ذويه وبلاده
الموقف اللي مايبي كثر تفسير = ولا يبي تحقيق ولا إفادة
الدين عز وما حصل فيه تقصير = ومن هو رجا ربه يحقق مراده
الله يعزك يا بلاد بها الخير = دار غدت للعز رمز وإشادة
دار الكرم دار الدلال المباهير = دار الشرف والمرجلة والسيادة
نذرت لأتمم ووفي المناذير = واسجد لربي شكر حمد وسعادةالشاعر ///// مشبب بن ناصر بن مهياع 27/5/1431هـ

صح لسااااااااااااااااانك مليون يامشبب

صح لسااااااااانك ...قصيده جزله ومضمونها سامي

لاهت يالطيب

صح لسانك وعلا شانك اخوي مشبب

قصيدة راااائعة


تحياتي

الموقف اللي مايبي كثر تفسير
ولا يبي تحقيق ولا إفادة
الدين عز وما حصل فيه تقصير
ومن هو رجا ربه يحقق مراده
الله يعزك يا بلاد بها الخير
دار غدت للعز رمز وإشادة


صح لسانك مدد بلا عدد

قصيدة وافيه بوقاك لدينك وبنات وطنك

شكراً لك

..

.
بيض الله وجهك وصح لسانك..
...

صح لسااانك وبيض الله وجهك ..