الوجه المشبب

بعدالأمل تتعب دونه النـاس ماوصلـوه
حتى تجتمع فى ساعةالحشر منحشـره

الوجه المشبب كلمتـه مالهـا مسفـوه
والأقشر يواجه قشرالأنصاد من قشـره

تلقى مبغضين الآدمي كثر مـن حبـوه
على وجه سابعة الأراضيـن منتشـره

والدنيا تمد النـاس بالخيـر والمكـروه
في خيراتها شتّى وفي شرّهـا خشـره

و سمات البخت لا شافوا النور ما غطوه
واقوى رابطة في الزاد والملح والعشره

واللي يجهل المشروه لا يلحق المشروه
ورجّـال تعـداه المشاريـه لا يـشـره

والألباب لآمر الكـلآم المفيـد أوحـوه
وتفصيل الخبر يكفي عنه موجز النشره

الشاعر الكبير سعد بن جدلان الاكلبي

وسلامتكم

صح لسانه الاكلبي

والله يعطيك العافية يالدلبحي على هالنقل المميز

صح لسان الاكلبي
وتسلم يمينك يالدلبحي

يعطيك العافيه

فهد صح بدنك وتسلم على المرورالكريم


تحيااااااااااااتي

الدهاسي
صح بدنك وسلم على مرورك بس وينك لك مده

تحياااااااااااااتي

صح الســــــانك يالدلبحي
علي هذاالأبداع والتميز في المفردات
أخوك الروقي العتيبي

ياهلا فيك الروقي وتسلم على المرور

صح بدنك

تحيااااااااااااتي