بمناسبة مرور عام على مبايعة خادم الحرمين الشريفين الملك / عبدالله بن عبدالعزيز /

العـام تلـو العــام تمضـي سريعه=وأكـــثر من الأيــام كــم كان الانجاز؟
وكم القلوب اللي تجي لك مطيعه=تطــــوي مسافات الفـلا حب وإعزاز
(صقر العروبه) ننتخـي بك طبيعه=يا خــــادم البيتين يالحـــر يا الباز
بقلــوب شعبك لك محبـــه رفـيعه=وأيضــا حملهــا اللــي تـوكأ بمعكاز
شيب وشباب تشـيل ما تستطيعه=حـــبٍ سمــا في قــــاص الحـشـا لاز
وحنـا بني شعبك حصـونٍ منيعه=لا ثــــار للبـارود دخــــان وإعـــجاز
باسم الله اكبر نرفع اسم الشريعه=وتحت لــواك لداعــي الـحـق ننحاز
حب الوطن بقلوب شعبك يشيعه=وحبـك بجـوف القلـب ياسيدي فاز
وش عاد عقب اللي ظروفه وضيعه=ورماه ضعف الحال بالسجن معتاز
وجيت ومسحت دموع عينٍ فضيعه=وطمنت به عينٍ لها النوم ما جاز
وكـم خــدمة كانت علينا شنيعه=ترهق كواهل شاري الزيت والقاز
وخفضتهــن للـي نتاجــه يبيعه=راع الــزرايع منتـجٍ بــــره أكواز
وأهل المـواتر بالــدروب السريعه=خفضت بالبنزين مقــدار وإيجاز
وأطفال رجلٍ مات دون الوسيعه=بيدين ضايــع فكـر تدليج وافراز
ضميتهم حــبٍ بعــينك تذيعه=وكفكفت دمعٍ صدق ما هوب الالغاز
وشعبك يا (أبو متعب) يبايعـك بيـعه=ما تمحي لو حطوا على القبر مركاز

صح لسانك

وبيض الله وجهك

قصيدة جزله
من شاعر جزل

وصقر العروبه يستاهل الخير الله يعزه ويطول في عمره

تحياتي

صح لساااااااانك

لاهنت عبى القصيدة الرائعة

والله يعطيك العافية

يستاهل صقر العروبه المدح

تحيااااااااااااااتي

صح لسانك يالغالي


ولاهنت

اشكر للجميع مرورهم العاطر

صح لسانك


رائعه من رائع


وفي انتظار جديدك


تحياااااااااااااااااااااااااااااااااااااتي

اشكر المرور والاطراء