الا يالله ياعالم بخافي...................علوم الصدر وعلوم(ن) جهيره

السلام عليكم ورحمه الله وبركاته

مساكم الله بالخير



الا يالله ياعالم بخافي=علوم الصدر وعلوم(ن) جهيره
تمالكني بنفسي وقت جافي=وقوت(ن) كلها علوم(ن) مثيره
هذا لابس وذاك اليوم حافي=وبكره بالقا يعكس مسيره
يارب الخلق للمرضا تعافي=وللمستاحش اليومه تجيره
نشدتك ياعليم(ن) بالجفافي=بهمال(ن) من مزونك غزيره
بها وعدي لذود الشايب افي=وحدرهن من الديره لديره
بوده للنياق الي خفافي=سمان السنم لاكن خف سيره
تهارف وسط بيدا بالفيافي=طروش البدو كلن في مزيره
راكب(ن) هجنها دوم متعافي=ماهو يومي برجله فوق عيره
احب الشعل والصفر الشعافي=تهارف كل منهن في مزيره
يازول اطلق حوار(ن) للزرافي=ولا تقهر ولد صفرا مغيره
ويازول اضبط المقهور حافي=وخلك لابن مشعل مستشيره
وراك الفحل لا عنك يطافي=قعود(ن) قاطع القيد وهجيره
مسافتنا ماهي ميه الافي=حدود الرقعي الي مستديره
والا ياوجد من يقعد خلافي=يبى يونس قهر مني وذيره
يبى ينطق بها عباس قافي=بوسط العشب وامطار(ن) غزيره
وشبة نار وسط العشب دافي=ودلة(ن) تكيف من نحيره
ومع ذالك شروط الكيف تافي=صحيب(ن) من شراويكم مجيره
صلاه الله عد منهو طافي=على من كان عبده مستشيره


وسلامتكم
تحياتي وتقديري

...
..

الصلاة والسلام على أشرف الأنبياء والمرسلين
سيدنا محمد وعلى آله وصحبه أجمعين

عباس مشعل الشيباني

صح لسااانك على هذا الجمال

حضور لانمله

مودتي
.

صح بدنك اخوي
واشكرك على المرور الكريم
تحياتي وتقديري

صح السااانك

ياعبااااس الشيباااني

قصيده راااائعه ومعبررره

ولا تحرمنا من جديدك


اخوك

صح بدنك اخوي ابو نجر النفيعي

وروعه القصيده من ناظر قاريها
تحياتي وتقديري