نعم للبدانة .. لا للرجيم

رداً على كل المحاولات اللآثمة لإقناع الناس بالرجيم , كتب احدهم هذه القصيدة
وتذكرت بيتاً قديماً فيها يقول : ( ماتنتهي نفسٍ عن الي تريده ... لينه يجي عذالها من جسدها ) , فضمنته بيصاغة أخرى , فكانت هذه الأبيات :


الشحم ماهو عيبٍ... الشحم هذا امتيـاز = البدانة : للتكانة .. والرشاقة : للحريم
عاين الجسمي , ونبيل , وشوف كيف الحكمي فـاز = بالنجومية, وشف ( شعبان عبدالرحيم )
( ياس خضرٍ ) يوم غنى : (اعزاز .. ياوالله .. عزاز ) = ماسأل عن خصر ..خله .. وهو عظيمٍ أو هضيم
شوف .. من حد ( الكويت ) لحد أطراف ( الحجاز ) = كم سمينٍ .. مايسمى الا .. ( الكريم ابن الكريم )
بالمجالس له مقام ,.. وبالمنصات ارتزاز = لف بشته .. فوق كرشه .. جالسٍ جلسة حشيم
يانصيحي .. كف نصحك .. دام بيتك من قزاز = لا .. تدخل في صراع ( الدايرة , والمستقيم )
لويصير النفط ( ببسي ) واتغدي ( الميرندا ) قاز = ماأطيعك .. كف نصحك .. لاتفهم .. يافهيم
ماني مسجل بمعهد .. لا .. ولا شاري جهاز = ماني ماشي بالمماشي .. لا .. ولا مسوي ( رجيم )
باختصار .. دونما .. ضغطٍ , ولا أي .. ابتزاز = هاك مني .. يانصيحي .. حكمه .. بيتٍ قديم :
( مانتهى رجلٍ .. عن اللي رادته نفسه ,.. وجاز = لين جاه .. العاذل اللي .. داخل اضلوعه مقيم )


( من كتاب المستطرف النبطي , الجزء الثاني )

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟