رجـــــــــــــــــــــــل حــــــــــــــر

بسم الله الرحمن الرحيم
امابعد
هذه مشاركه من الشاعر:نمرالفديع الفراهدي
ومن كان له نقد في هذه القصيده فليتفضل مشكوراً

((( المعذره على الأخطاء المطبعيه وهذه النسخه بعد التعديل)))



يافهيد هاك العلم قدحاً من الراس = علمي ترىيافهيد ماهو جديدي
اعرف ترى ان العرق يافهيد دساس = جدك وجدك فوق كل القصيدي
عمك ابو سطام ذيباً وقرناس = قوله على فعله بليا وعيدي
امسك عماد الدين فعلاً بلاحساس = عطفك على امك واجبك ياعضيدي
دينك وعلمك حافظينك من الياس = إذا أدبرت دنياك وقت الجحيدي
لاتفقد الرحمه ولا تكتم انفاس = ربك لطيف ومعتني بالعبيدي
لاتلطم الخدين ولاتضرب اخماس = جلداً على كل المصايب شديدي
امن برب الكون ولا يلحقك باس = ربك قريباً دون حبل الوريدي
خدمه وطنا عز ياطير نوماس = يازينها لو قالوا ابنك شهيدي
اختك رغد حبي لها دون مقياس= خلك لها يافهيد أخواً فريدي
زله رفيق الجنب اقوى من الفاس = ادمح هل الزلات وقدرك يزيدي
خلك مع المظلوم ولا تظلم الناس = وخلك من الشهوات اكبر عنيدي
لاتامن الكاذب ومنطقك بقياس = اعرف ترى كثر الحكي مايفيدي
واعرف ترى بنت الرجل معدن الماس = تجعلك عنتر يوم سيفه يبيدي
بيتك وجيبك فاتح لكل محتاس = خلك مع المحتاج شهم وسنيدي
عيديتي ماهيب تفصيل والباس = عيديتي لو كنت حراً زهيدي
الحر وانا ابوك رجلاً ماينداس = ابغاك دون الحق ابن الوليدي
الحر وانا ابوك يفهم بلا احداس = ما انت بغبياً ولا انت بليدي
عمك تراه الاصل وعمك هو الساس = عمك تراه ابوك من اول بريدي
ماديت في الدنيا وعاشيت الاجناس = مايهمني قول النذل لو يشيدي
هذي مبادي ماهي حبراً في قرطاس = نصيحتي بابوك وارغب مزيدي

الشاعر\نمــر بـن الفــديــع الـفــراهــدي

مشكور اخوي مشعل

والله يعطيك العااافيه

وصح لسان الشاعر الفديع

ولاهنت على نقلهاااااا

اسف يابو بجاد على الاخطاء التي صارت في القصيده وهذه الأخطاء من الناقل ومشكور على الرد ...............

وين الردود ياشباب وعطونا نقدكم

قصيده جميله واكثر من ائعه يا ابن العم

نقل مميز وراقي ..

يعطيك العافيه ..

لك راقى التحايا ..