العمــر فرصه وحــده

اللـي يحسـب إن المحـبـه مستـمـده مـاتـزول=لابـد ماينـدم يجـي يـوم(ن) يـده تصفـق يـده
في نظرته دايـم يبـا يبقـى علـى كـل الاصـول=ويحسـب علـى كـل الـدروب المقبـلات إمهـده
وإن رحت فيها طول عرض إحسب كلفها عرض طول=واللي يفوت يفـوت وإخـذ العمـر فرصـه وحـده
وإن كان ماتدرك علـى تدبيـرك أنصـاف الحلـول=لاصـار ماهـي ناقصـه فكرتـك مـاهـي زايــده
والأمـر فالثنتيـن يـا امـا الرفـض والا فالقبـول=لاترفـض المقبـول والمـرفـوض أبــد لاتـيـده
ياللي ليا هب الهوى غصنـك علـى طرقـه ميـول=فكر وشف كيف الهـوى وكيـف الجبـال الصامـده
والمشكله لاصرت يالعاشق علـى الخطـوه عجـول=بالهـون فالطرقـه تـرى تتعبـك خطـوه وحــده
مهما تحملت الحمول اصبـر علـى شيـل الحمـول=اللـي شقـا يشقـا وفالايـام مـاضـاع إجـهـده
من دون غاياتـك تـرى فالـدرب مأنتـه بمعقـول=خل العدد ضرب العدد وإقسـم علـى جمـع إعـدده
وماننكر الواقـع وراع الحـب علـى شفـه ميـول=والعلـم فاللـي لازرعتـه قـدم حـصـده تفـقـده
ولاتضمن الدنيا تراهـا فـي طلـوع وفـي نـزول=أحد(ن) طرد حظه . وأحد حظه هـو اللـي يطـرده

صح لسانك وبيض الله وجهك

الله الله


صح لسانك

صح السانك ياذيبان
,,(عزيز الثقفي)

لست ادري ماذا اقول ولكن كلماتك
اجبرتني على اعادة قرائتها لاكثر من مره
هذا الوجد وتلك المعاناه شجن في شجن

ذيب المساري
ننتظر إبداعك

بوبيض الله وجهك على القصيده الرائعه