إهداء: إلى كل من نزغ الشيطان بينه وبين أخيه ونسي أن العمر يمضي وكل شيء إلى زوال

السلام عليكم ورحمة الله وبركاته

قصيدة قرأتها في أحد المنتديات وراق لي نقلها إليكم كما وضعتها كاتبتها



إهداء: إلى كل من نزغ الشيطان بينه وبين أخيه ونسي أن العمر يمضي وكل شيء إلى زوال

وأن خيرهما الذي يبدأ بالسلام







الناس واجد مير ما مثل الاخوان

ما مثل اخـوك اللـي يحبـك ويغليـك


ما مثل اخوك اللي صدوق(ن) ومعوان

تفديه بالغالـي وبالـروح يفديـك


يشكي لك جروحه وهمه والاحزان

ولا ضاقـت الدنيـا بهمـك يواسيـك


لو كان لك ربعٍ(ن) وناسٍ(ن) وجيران

ما مثل اخوك اللي عن الناس يغنيك


أخوك هو عزك ولو كان ما كان

يبيـع كـل النـاس لأجلـك ويشريـك


أنا أشهد أنه لك على الصدر نيشان

تاج(ن) على راسـك وستـر يغطيـك


وانا اشهد انه ما يثاقل بميـزان

مثـل الذهـب والمـاس مافيـه تشكيـك


وانا اشهد إنه ما يقدر بالاثمان

عن العـدو حصـن(ن) ودرع(ن) يوقيـك


إياك لا تفتح طريـق(ن) لشيطـان

بينـك وبينـه جعـل ربـي ينجيـك


ولا تستمع لاجاك علان وفلان

يا كثـر مـا تسمـع مـن اللـي يعاديـك


ولا تجعل لغيرك على العقل سلطان

ترى كثيـر اللـي بشـوره يدهويـك


ترى الدهر دوار يا سرع الأزمان

يـوم(ن) تواريـه الثـرى أو يواريـك


تقول يا ليت الـذي كـان ماكـان

يـا ليتنـي بالقبـر جنبـك واخاويـك


يا ليتك تعوِّد واضمـك بالاحضـان

أضمـك لصـدري واقبـل أياديـك


يا ليتك تعوِّد تـرى القلـب ندمـان

وده يسـوق المعـذرة ثـم يراضيـك


مير البلا يا ليت ماردت إنسان

ويا ليت ما تمحي ظـلام (ن)بمـا ضيـك


تماكن الدنيا وواصـل بالاحسـان

قبـل النـدم يطويـك والهـم يبريـك


ونهاية المشوار ما غير الاكفان

ويبقى مـع الساريـن ذكـرك وطاريـك


لاتنسونا من دعواتكم

علي الردود الي قلتها لي والشحم الي اكلته .....................................
مشكور وما قصرت

صح السان قائلها

وجزاه الله خير


الاخ الهيلوم

دائما مبدع بمواضيعك الرائعه

الله يعطيك العافيه


مشكور وماقصرت

صح لــســـانكــ ولـســـانه



الله يجزاك الف خير ويجزاء كل مسلم بالخير

مشكوووووووووووورين علي المرور يالغالين