إحراج المجامل

إحراج المجامل



بين الضلوع العوج هم الزمن لاج




والقلب يلعب به نسيم الهبايب




وقت العنا لا وصلت دروسه أفواج




اخذتها بالطيب والاغصايب




إن وافقت بالطيب يا كثر الانتاج




وإن عاكست نشوف منها الغلايب




والى بدا للعلم توثيق واخرج




كشفت من معناه كل السبايب




يفضح ضلام الليل صبحه الى انباج




وتطلع حقايق كل مخطي وصايب




حقايق الصايب كما النور فلاج




وحقايق المخطي عليها النصايب




من يدعي بالعرف في كل منهاج




ينقال يا رجال ويش انت جايب




يا صاحب الأفكار ما عاد يحتاج




بينت بافكارك علوم وعجايب




بنات فكرك تلتطم مثل الامواج




وتشعب مع اهل الجيش عوص النجايب




سويت في دنياك مدخل ومخراج




وراسك من الدنيا بلا شك شايب




ان وصفوك الناس في عد هداج




تقول هذي ما عليها غرايب




لو ان جوالك فقد بث الابراج




والبال من بعض التصانيف طايب




باب المجامل قافلينه بمزلاج




والمعرفه ما تنوخذ بالطلايب




كثر المجامل يرث إزعاج واحراج




وكثر التصنع من كبار المصايب




يتعب سليم العقل من كل هراج




ويدفع من اسبابه جمع الضرايب



أحمد بن سعود الحمد

لو ان جوالك فقد بث الابراج




والبال من بعض التصانيف طايب




باب المجامل قافلينه بمزلاج




والمعرفه ما تنوخذ بالطلايب




كثر المجامل يرث إزعاج واحراج




وكثر التصنع من كبار المصايب




يتعب سليم العقل من كل هراج




ويدفع من اسبابه جمع الضرايب



أحمد بن سعود الحمد





ياسلاااام ياسلاااام

صح لسان الشاعر الرائع على هذه الرائعه ..

ولا هنت يالغالي

ولا أنت

واشكرك على مرورك العطر

تحياتي.......

يعطيك العافيه