سلام الشاعر

سلام الشاعر اللي لاحضر همن على الشعار == احد وده يبينها واحد وده يخفيها

ابكتب واطرب الهاجوس واطب البحر واختار == وادور ناقه عريمان والزمها بذانيها

هلا ترحيبةٍ تضفي على الغيّاب والحضّار = وأحد ودّه يمرّحها وأحد وده يسريها
أنا بلعب معك لكن نبيها لعبة الشطار = وكان ان ناقة عريمان جرباء لازم اطليها

ابومحيميد صح لسانك

وكان ان ناقة عريمان جرباء لازم اطليها

الله الله وصح لسانك ياعبدالله
حطيت كية وجعها فوق طاعونها على قول الشاعر

وانا اقول النور اللي طلع من وين ؟

أثره نوووورك يالنشمي


حياك ربي


شرفتني بحضورك طال عمرك

الاخوه الاعضاء والزائرين

رديت على الاخ ابو محيميد وانتظرت منه
حوالي ساعه ونصف ولم يرد . لذلك ارجو
المعذره والغايب حجته معه . لا اعلم السبب
لكن عسى المانع يكون خير .
تحياتي لكم وارجو العذر والسموحه

بنوك الراجحي ماشفت في صالاته استثمار == رياجيل عن الربح الحلال الله معميها

ياعبد الله تعذر للعرب ماينفع المعذار == تقدم رجلها وتخاف لا تاصلك رجليها

بنوك الراجحي ماشفت في صالاته استثمار == رياجيل عن الربح الحلال الله معميها

ياعبد الله تعذر للعرب ماينفع المعذار == تقدم رجلها وتخاف لا تاصلك رجليها



سهوم الراجحي تطلع وتنزل والزمن دوّار = واشوفك كل ماحانت لك الفرصه تخليها
يا بو محيميد انا عندي سوال وسمّه استفسار = علامك يا عميلي قمت ترميها وتخطيها

لك الله مالقينا فالسعوديه حكيم الشار == ياكود المجتهد يبغا يكحلها ويعميها

ولا ياراعي الموجز نبا تفصيل للخبار == وهاذيه ياعبدالله مادري ويش اسميها

صحت الالسن ياشعاااااااااااااار


واصلوا والليل توه

لك الله مالقينا فالسعوديه حكيم الشار == ياكود المجتهد يبغا يكحلها ويعميها

ولا ياراعي الموجز نبا تفصيل للخبار == وهاذيه ياعبدالله مادري ويش اسميها


صح لسانك يابو محيميد واستلم :

لك الله ياعميلي مابغينا نخبط الاشجار = لكن شف من سرق رزق اليتاما من مخابيها
ليا عمين الارياء يالسنافي شغّل الرادار = تشوف اعلوم ثم اعلوم ثم اعلوم توحيها

قعدنا واستحينا لين صارت لعبه القمار === لياصرت المحامي كيف نطبخها ونشويها

ياعبدالله مدام الطايره في حكمه الطيار === هروج الناس يارجال قلي وش نبي فيها

قعدنا واستحينا لين صارت لعبه القمار === لياصرت المحامي كيف نطبخها ونشويها

ياعبدالله مدام الطايره في حكمه الطيار === هروج الناس يارجال قلي وش نبي فيها


يابو محيميد صح لسانك وانا سعيد باللعب معك واستلم هالبيتين والمعذره
لأني مرتبط بعزيمه


شووها واحرقوها وابلعوها ضيفة الكفار = وانا ماذقتها لكن سمعت الناس تطريها
وعساها ما توقّع يوم طارت ياعميل الخار = انا مالي ومال الطايره مانيب راعيها

لاهنت وصح لسانك

وانا لو هي في يده عطيتك وسام النخبه

وتستاهل لكن المعذره على القصور

وحي والله الرجال اللي شرواك ولايهونون الربع