كنك تشكين

هذه قصيدة من نظمي أهديها لهذا المنتدى المميز بتميز أعضائه

كنك تشكين





في حبنا وشلون كنك تشكين = وانتِ ليا غبتي تزايد همومي



ست وعشر مرت وانا قول يومين = من حلوها تضيع كل العلومي



الله عطاك الدين والعرف والزين = ماهي علوم تلوح مثل الحلومي



لو رحت شرق وغرب والهند والصين = انتِ سواة البدر بين النجومي



والوقت ما يصفي به العسر واللين = مشاكله فوق البنادم تحومي



ومهما يطول العمر لابد ما ضين = وين الرجال الوردين القرومي



اليا زعل نزعل وترضى وراضين = واليا بدا واجب نسد اللزومي



واليا ندهته قال حاضر وذلحين = لبيه يا عيني وتفداك قومي



بعده يزيد الشوق والقرب عيدين = قسمه خذاه الزين خير القسومي



بالله لا زلتي بحبي تشكين = وأنتِ لا يا غبتي تزايد همومي


تحياتي للجميع

اخوي فهد

بيض الله وجهك

قصيدهـ جزله من رجال ٍ جزل

الله لا يهينك ويرحم والدينك يارب

والله اني حبيت اقتبس منها بيت بيتين ما قدرت

صح الله لسانك واعلا الله شانك

تقبل مروري

دمت مبدع في حفظ المولى جلة قدرته

صح لسانك لاهنت على ماقلت تقبل تحياتي

بيض الله وجهك يافهد

فهد رحيم النفيعي


صح لسانك


وبيض الله وجهك على الحظور المميز


تقبل تحيتي

اشكركم على المرور
تحيتي للجميع