أقـــرب شــــــــاعــــــــر يــــاعـــتــيــــبـــه
عبدالرحمن عازمي23-Jun-2009, 10:37 AM
سلام الله سلام(ن) للعتيبي طيب(ن) مبداه=إلى القاصي مع الداني وجاتك زين بالالحان
تقدم وأقترب عندي عسا الله يحفظك رباه=وانا بوزن علومك يالعتيبي وسط هالميزان
علي خيران العتيبي23-Jun-2009, 10:55 AM
هلا يا مرحبا يا ابن عطا و علمك ترا نبغاه = و عن عتيبه هل الطالات انا باسد فالميدان
تقدمنا و قربنا و كل ماقف ترا نحماه = و جيب العلم رد العلم عندي يا رفيع الشان
عبدالرحمن عازمي23-Jun-2009, 10:59 AM
الرد جاااااااااااااااااااااااايك
علي خيران العتيبي23-Jun-2009, 11:00 AM
الاخ / عبدالرحمن
البيت الثاني انا سهيت و غلطت فيه و لعبت القافيه الاولى على ان
لكن تم التعديل :)
عبدالرحمن عازمي23-Jun-2009, 11:09 AM
هلا يا مرحبا يا ابن عطا و علمك ترا نبغاه = و عن عتيبه هل الطالات انا باسد فالميدان
تقدمنا و قربنا و كل ماقف ترا نحماه = و جيب العلم رد العلم عندي يا رفيع الشان
استلم
يدوم ابك البقا ياصاحبي والهينة تقواه=علومك وش علومك ياعميلي جات من عطوان
ألا ياصاحبي شاللي حدا هاجسّك على اقصاه=معي باللعب رونالدو وإلا ضدنا زيدان
علي خيران العتيبي23-Jun-2009, 11:28 AM
ترا الهين لك انته و الهزل يهواكم و تهواه = و علومي هي علوم الطيب و اصبر تب تجيك الان
هجوسي ما تجيب الا الجزل و (ا)عن الهزل بانهاه = و معك علي ولد خيران شاعر يشبه الضلعان
عبدالرحمن عازمي23-Jun-2009, 12:27 PM
صح اللسانك
ولو انك استمريت بالوزن واستقامته والمعنى
كان كملت
وصح اللسانك
علي خيران العتيبي23-Jun-2009, 07:02 PM
عبدالرحمن
:)
صح بدنك اولا
ثانيا ابياتي كلها سليمه 100%
و انت عندك كسر اصلا و انا تقاضيت عنه
(معي باللعـب رونالـدو وإلا ضدنـا زيـدان)
ثالثا انت وين معانيك اصلا !!!!!
هذا معناك ( معي باللعـب رونالـدو وإلا ضدنـا زيـدان )
هههههههههههه
رابعا : انت كملت ولا لا
انا ما ياثر علي و لانت ضارني ولا نافعني
و انا لاعب مع شعار اكبر منك جداا جدااا
مع احترامي لك و انا شفت انك طالب شاعر عتيبي و ما كان فيه احد و رديت
و انا ما اعرف مستواك لكن عرفت مستواك الحين بعد ابياتك صراحه !!
عموما تشرفت باللعب معك
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
