خانه التعبير

السلااام عليكم ورحمة الله وبركاته


اهدي لكم هذي القصيده وكلي رجاء
على ان تحوز على اعجابكم


يقول ارجوك لاتزعل وسامحني علي التقصير
بدايه قالها مدري وش اللي وسط غاياته

عقب طول الفراق ولهفة الاأشواق والتصوير
خلق بعض الفضول اللي جرحني في متاهاته

وقلت العلم بلغني عسى تالي علومك خير
وساق أعذب معاذير الكلام وساق عبراته

عرفت انه نوى الصده ولكن خانه التعبير
وانا مالي ورى شخص يغير حسن نياته

سكت ولاذكرت من العتاب اللي بقوله غير
عسي درب السلامه يزهر فدربك مسافاته

عساها تستوي في وجهك الخيرات والتيسير
وأنا كلي عتب لو ينطق لساني بشرهاته

سكت ولالي الا هالسكوت وكل شي يصير
عليه يازمان في رحلتي واللي بقى هاته

سوا جينا مشاوير الغرام بصدفة التأثير
غريب وشاف في دربه غريب ولمس وناته

وتبادلنا المشاعر والمشاعر دون غصب تسير
وتجاهلت الصحيح وغلطت الشاطر وحسراته

كذا يقدم علي الصده بلا غلطه ولا تفسير
وأنا اللي صنت مجهول الليال وصنت غيباته

صحيح صغير في عمره وأنا عقلي مهو بصغير
وتركته لليال وغايب الدنيا ونزواته

أعرف أنه يبا يندم وأعرف أن الزمان قصير
وأعرف أن الليالي تنبه الجاهل بغلطاته

كثير صدوف مرتني تمر ولالها تأثير
يالين الحب بين لي غثاه وكثر هفواته


الشاعر / محمد بن دبلان

راااائع يارااائع


صح لسااانك .. على القصيده الرائعه ..

تحيتي
..

وعليكم السلام ورحمة الله وبركاته ..

اولا حياك الله يابن دبلان في منتدى الهيلا ونتشرف بأن تكون أحد اعضاء المنتدى متمنين لك وللجميع التوفيق ..

ثانيا صح لسانك على الابيات الرائعه ..متمنين المزيد والجديد من القصيد ..دمت بخير ..

........

ابن دبلان



صح لسانك على هذه القصيده الجزله



من شاعر جزل


تقبل تحياتي

راااائع يارااائع


صح لسااانك .. على القصيده الرائعه ..

تحيتي
..

محمد العتيبي



صح الله بدنك

والله لايهينك


وتقبل تحياتي

وعليكم السلام ورحمة الله وبركاته ..

اولا حياك الله يابن دبلان في منتدى الهيلا ونتشرف بأن تكون أحد اعضاء المنتدى متمنين لك وللجميع التوفيق ..

ثانيا صح لسانك على الابيات الرائعه ..متمنين المزيد والجديد من القصيد ..دمت بخير ..

........


هايل العتيبي



الله لايهينك

على الترحيب الطيب

وانتم الشرف ولي الشرف ان اكون عضو ضمن هذا الصرح الشامخ


وصح بدنك واسعدني كثير تواجدك في متصفحي


تقبل تحياتي بود

ابن دبلان



صح لسانك على هذه القصيده الجزله



من شاعر جزل


تقبل تحياتي




عبدالله الاصعر


اشكرك على المرور الجميل

وصح بدنك والله لايهينك


تقبل تحياتي