&&&& حــد السعودي دونـه النـار وســــلاح &&&&

وَسَيَعْلَمُ الَّذِينَ ظَلَمُوا أَيَّ مُنقَلَبٍ يَنقَلِبُونَ

من دون حدك يابلادي


من دون حدك يابلادي نرخــص ارواح
ويالعنــوا عيش(ن) يعانـــق كــدرهـــا

حـــد السعودي دونه النـار وســـــلاح
والموت الاحمـر سايقينــه مهرهـــــــا

لالا تشيل الهــــم والجيـش صـــــداح
جيش(ن) يرد الكايــده فـــي نحــــرها

جيش تــدرب علــى صبـــر وكفـــــاح
يضرب نحور المارقـــه فــــي وكرهــــا

وكــر ضوا بــه كل فاجــــر وسفـــــاح
عهــد علينــا مـــايغـــادر صخــــرهـــا

وســـلاح جــــو مثــــل بـــرق اذا لاح
يهــز مــن صوتــه جبـــال بكبرهــــــا

زلــزال مــع رعــد و بركــان وريــــاح
يـزفهـــــا لـلـــي تــــــدور قــدرهــــــا

حوثي تمرد يبشــر بســــم فــــــــواح
يحرق عظامـه قبـــل يمســح اثـــرهـا

واللـي وراه اليوم منــــا لــه افصــــاح
هــذي فلولك خاسيــه فـــي قعــرهــا

اجمع حتات اللي بقـي منهــم وساح
بأوساخ انجـــاس كـــــريه زفــرهــــــا

هـذا السعودي احـذره ويـــن مــــاراح
واحسب حسابه يـامــدور عثــــــرهـا

من دون حدك يابلادي نرخــص ارواح
ويالعنــوا عيش(ن) يعانــق كـــدرهـــا


الشــاعـــر : ابو زاهر البــــــارقــــي

...

صح لسانك مدد
قصيده تحاكي مشاعرنا جميعا ًً ..
خفظ الله بلادنا .... واخزى كل مفسد ...
...
لاهنت
....

صح لسان شاعرها ملايين
قصيده تحاكي مشاعرنا جميعا ًً ..
خفظ الله بلادنا .... واخزى كل مفسد
يعطيك العافية اخي على النقل