الأعـــور الدجّــال !!
فواز السعيدي07-Jan-2010, 05:40 PM
مساء الخير ياعلي ....
سلامي يرتكز مثل الغشين وركزة الهمّال = ليامنّه ركز فوق المسايل واسبل الثعلي !!
قرينا من علامات القيامه (يظهر الدجّال ) = وانا اتوقّع ظهوره من جهة ديرة (بني ثعلي) !!
عبدالمجيد العطاوي07-Jan-2010, 05:48 PM
,,
هههههههه اهب ماتووقع هالتوّقع غير انت يابو عايش الله يسامحك ..
ننتظر شاعر الهيلا ,,
فواز السعيدي07-Jan-2010, 05:49 PM
ارحب ارحب ارحب
صح بدنك ياعبد المجيد
لاهنت
علي فلاح العضياني07-Jan-2010, 06:02 PM
مساء النور يا فواز
تراحيب الوفا تختصّ من بين الرجال رجال=رجال الماقف اللي يحتميه القول و الفعلي
ما يطلع من ديار عتيبه اللي للرسول أخوال=عسى محمّد رسول الله يوم الدين يشفع لي
نوآف الغنامي07-Jan-2010, 06:12 PM
سلامي يرتكز مثل الغشيـن وركـزة الهمّـال
ليامنّه ركز فوق المسايـل واسبـل الثعلـي !!
قرينا من علامات القيامـه (يظهـر الدجّـال )
وانا اتوقّع ظهوره من جهة ديرة (بني ثعلي) !!
تراحيب الوفا تختصّ من بين الرجال رجال
رجال الماقف اللي يحتميه القول و الفعلي
ما يطلع من ديار عتيبه اللي للرسول أخوال
عسى محمّد رسول الله يوم الدين يشفع لي
يا سلآم سلّم
فتل ونقض على مستوىا
صحت السنتكم يا عمـآلقة ,
متاااااابع بشدهـ
:)
فواز السعيدي07-Jan-2010, 06:26 PM
الله الله
//
,,
يازينك لو تحوز لحال والشكّه تحوز لحال = ياجعلي ماسرق المذخور والمخبور ياجعلي !!
يجي من ديرة عتيبه بثوب ومسبحه وعقال = هذا حلمٍ حلمته .. يوم قال الكل يخضع لي !!
فواز السعيدي07-Jan-2010, 06:29 PM
خيال الصفراء
يامرحبا ياسنايدي ..
لاهنت
علي فلاح العضياني07-Jan-2010, 06:36 PM
يا ليت لسانك اللي طال مدعوم بيدين طوال=و أنا أرجع للوفا و الطيب و النوماس يرجع لي
ترى اللي تقصده عليك لو سيّر يطيب الفال=من الهيبه تواطا لي و تسجد لي و تركع لي
فواز السعيدي07-Jan-2010, 07:04 PM
الله الله
//
....
الا ياكثر ماتخطي علينا مار كيف الحال = مراسيل الخوي وصلت خويٍ ماتواضع لي !!
ياكبر المشكله لكن تجي ويجيلها حلّال = قرون الوعل تصدم فالجبل وتعوّر الوعلي !!
صاهود07-Jan-2010, 07:12 PM
الله الله
//
....
الا ياكثر ماتخطي علينا مار كيف الحال = مراسيل الخوي وصلت خويٍ ماتواضع لي !!
ياكبر المشكله لكن تجي ويجيلها حلّال = قرون الوعل تصدم فالجبل وتعوّر الوعلي !!
ياحبك للقوافي الصعبه يالسعيدي فعلا حجازي
والصف صفك
ولاهان الفالح
فواز السعيدي07-Jan-2010, 07:16 PM
لاهنت ياصاحبي صاهود
منور الصفحة والنت كله
لاهنت
علي فلاح العضياني07-Jan-2010, 07:22 PM
ترى خوّتك يا فوّاز بايعها بربع ريال=مقامي معتلي و أنته تحاول كيف تطلع لي
ليا كبرت عليك المشكله ما فالعلوم جدال =تصيح تقول لــ أقرب خنذفي طالبك تفزع لي
فواز السعيدي07-Jan-2010, 07:39 PM
ياسلام ياسلام
//
...
بعد جبناك فالغربال يانازل من الغربال = ابوخّرك عن دربي ماتنفع لي ماتنفع لي !!
ترى اللي يحمل الفزعه عليه من الخصال خصال = لكن انته تحزّني عيونك يوم تدمع لي !!
ابو فايح07-Jan-2010, 07:56 PM
الله الله لقاء ناري مبدعين
فواز السعيدي07-Jan-2010, 07:58 PM
ارحب ارحب يالناقد المحترم
.........
فواز السعيدي07-Jan-2010, 08:02 PM
ابو فلااااااااااح
صح لسانك يا استاذ الابداع
تشرفت بمجاراتك يامبدع
ودي وتقديري
علي فلاح العضياني07-Jan-2010, 08:08 PM
صح بدنك
وبيض الله وجهك يابو عايش
الطاروق معك له طعم خاااااصّ
عبدالله الاصعر07-Jan-2010, 08:25 PM
فواز السعيدي
علي فلاح
صحت اللسنتكم
فواز السعيدي07-Jan-2010, 09:16 PM
لاهنت ياعبد الله
صح بدنك ياسنايدي
,,,,,,,,,,
