الطارف الله يحييه

السلام عليكم ورحمه الله وبركاته




سلام تسليمة وفاء راسيه في كل الاحوال=مرسى الجبال الي على ألارض مغروس(ن) وتدها

الليل توه والمثايل لها صراف الا مثال=الي ليا صبنا هدفها تنومس ماجحدها

وعليكم السلام ورحمة الله وبركاتة حياك


يامرحبا ترحيب يوفي حقوق إرجال لرجال=ماله عدد تحصيه ... لو.. تحصي الناس وعددّها

الليل توّه وإعرف إنّ الدروب عراض و طوال=مار العلوم اللي سمعنا بعضها !وش؟بعدّها؟

دام البقا يالي ترحب وسق للضيف فنجال=وأنشد بعدها والسواليف نصرف لك سندها

الي على خاطرك ياصاحبي يطري على البال=وأنا أعرف أنك من حرارن تنومس في هددها

الضيف يبشر بالسعد ماله ألا طيبة الفال=وإن ماذبحنا أم السنام لّه نذبح له ولدّها
يا أصحابنا. ياكم عليكم تمرّ. أيام. و.ليال=حتى العدود .أشوف . منكم قليل اللي يردّها!!

ياذيب شمس العصر غابت على رجلي وخيال=وليل الاسود ليل وأهل وفاء توفي وعدها

المشكله فـ شعيل وشعيل في رجلينه اعقال=وعدودنا فوق البسيطه وفي نجد ونهدها

ياكم تثبّت من موظف . ورقمّة (بندّ عمال)=وكم واحد أولى منه لكن ..حظّه ماوجدّها!!!!

المشكّله من دونكم .كيف شوّش ؟ خط الإرسال=(وأهل البلد وإرسالها) ماتعدّى عن بلدّها

صحيح مير الرجل منا يوقف 1000 رجال=والزود مافيه ابركه عانها تصفق بيدها

المشكله فالي يمر البلد طرقي ورحال=برج الثريا فوق وابراجكم مكثر عمدها

كل القبايل والنعم ,والرجال أفعال وأقوال=واللّي.. مايلحّق غايتّة ,(طول عمرهّ) , يطّرّدّها

ماهو (بعير الحملّه) ..إبعير ماوطا وماشال=ولاضاعت اجهود العرب يالله تعوّض جهدّها

صححت السنتكم واصلو مبدعين وترانا متابعين

صعوط المجانين


حياك والله


صح بدنك


ونسعد بمتابعتك

أنته توصيني وانا في رصيدي مال وموال=مادام مخزون الثقه صاحبك لاما فقدها


الرجل وان ماسر نفسه ماجاء للخيال خيال=ويقول انا الفارس واقول اللهب تورث رمدها

حياك الله صعود المجانين ولا هنت



عبدالمجيد صح السانك شااعر ولا فيك حيله تشرفت بالعب معك



والختام عندك وتصبح على الخير

سوق الذهب غالي بغالي ولاهو سوق بنقال=وليا حصل لك ربح من رؤوس الأموال إقتصدّها
فالناس لايطلع (قبل يطلع الدجال).. دجــال=(ماراح راح ولابقى) وما بقى ألا أمرّ وأدّها

محمد بن شبيب

والله وسبعين نعم ولاتكفي


وصح لسانك وبيّض الله وجهك


شاعر معنى وشرفتنا وأمتعتنا معك