سلام الله على الشعار اللي في منتدى الهيلا
نادر العتيبي04-Mar-2005, 02:20 PM
سلام الله على الشعار اللي في منتدى الهيلا
من عتيبي عريب انساب القبايل والاجدادي
واهلا هلا ياربعي اللي هم ذباحة الحيلا
عدد وبل السحاب اللي شرب من خيره بلادي
ابو وافي05-Mar-2005, 08:30 PM
يامرحبا يا شاعر(ن) تعرف العدل والميلا
عداد ما لاحت ابروق المزون ودن رعادي
تراني يالعتيبي جاهز(ن) ومسرج الخيلا
ابا لبي ندا اللي مثلك وشرواك بينادي
نادر العتيبي06-Mar-2005, 05:23 PM
حييت ياذيب الفلا والك احترام وتبجيلا
يامرحبا واهلن هلا حياك يابن الاجوادي
والا يابو وافي ترا سنى برق المخاييلا
على روس الجبال وجاك غيث يسيل الوادي
ولد عوجان الجذع06-Mar-2005, 05:28 PM
نادر العتيبي
وابو وافي وطارووق كايف
استمروا
ابو وافي06-Mar-2005, 08:50 PM
هلا بك والله يا نادر اتشرف باللعب معك يالذيب
حياك الله يا ولد عوجان وبشر بسعدك
استلم سلمك ربي
نوفي للرجال احقوقها ما ننقص الكيلا
وما كل واحد يرتوي لا جا للعد ورادي
تراني ياعميل الخير الي حيله ولي حيلا
ونار القوم لن شبت ترى اللي شبها ازنادي
نادر العتيبي09-Mar-2005, 07:20 AM
سلمت يابو وافي والمعذره لتأخر الرد
*
*
أنا على طول الطريق ابلقا لي مداخيلا
وأشوف ابعد هدف يرمى واحدد كل الابعادي
بعض الجمال الطيبه ماتقدر المحاميلا
وبعض الجمال الطيبه في كل حمل سدادي
ابو وافي09-Mar-2005, 07:33 PM
هلا يا نادر الله يسلمك
استلم وسلم
ترى دربك طويل وحاسبين الدرب بالميلا
ويبا يتعب جمل ما فوق ظهره كور وشدادي
تبا تزين السوالف يالعتيبي والتعاليلا
وحدد للهدف مضبوط وضبط موجة الرادي
أحمد المالكي09-Mar-2005, 10:52 PM
نادر العتيبي14-Mar-2005, 11:58 PM
على هونك يابو وافي ماني راع المحابيلا
سلملك الله يابو وافي ذيب(ن) جاوبله منادي
عسى وبل السحاب اللي يهل ويتبعه سيلا
يسوقه ربي للمسلم مع ريح الطيب والكادي
سلمت يابو وافي ولاهنت على كل الاحوال
ابو وافي17-Mar-2005, 09:52 PM
الله يسلمك يا ولد العم وتشرفت باللعب معك
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
