أبو مشعاب اقرب اقرب

يشرفني اللعب معك يا أبو مشعاب
واستلم

يا سلام الله على الأجواد وأصحابي
............. أصحابي اللي طبايعهم تشابه
ترى بومشعاب ما هو أبو مشعابي
.............. ما كل واحد باسمه ايتسمابه

وانا كذلك يابن عوجان اتشرف
باللعب معك واسمحلي على التاخير

يا مرحبا ياهلا والنجم ماغابي
.......... صاحبك موجود ما اعلن غيابه
من عادتي يالجذع ماعادي احبابي
.......... ولا العدو ما يفيده شيل مشعابه

طيب طيب
استلم
دام البقا والليالي سود واشهابي
.......... انجوم شفناها وانجوم غيٌٍِِِابه
في الدنيا نشوف المؤمن والنصابي
........... واظن وجب الحد بعد بلغ انصابه

لاهنت يالجذع ولكن طاروقك هذا للشعار الكبار وانا توني مبتدي
مار ابعطيك طارووووق كويس ومضبوط


يامرحبا يالجذع اعداد ما لاح برق
......... اقولها عن عتيبة باسم برقا وروق

يا صاحبي شد حيلك بنتخاوى بطرق
.......... صاحبك تاجر معاني لانزل كل سوق

هلا
واسف على التأخير
إلك البقا يا مرحب بين غرب وشرق
ولربعي اللي حداني يمها كل شوق
سقها على الغالية يا الغالي بالله سق
تبى تبين الرعود الخافية والبروق

ياليل يا ساري
واصلوا والمسري على الخط

يا الله إنك تحيي المسرٌي
وسعداء بمتابعتك

الله الله الله

اسمع اسمع




الغالية سعرها يفرق عن السوق فرق
..........مثل النجوم المطلة ساطعه فوق فوق


يا مشجع الكورة الليله تبا تحترق
........... اما تشجع خضر ولا تشجع زروق

الغالية كنها درة وجاها الغرق
................ تبغى لها ماهر(ن) يضرب لها كل طوق

تطبع لك المطبعة بكره في وسط الورق
................ عن الذي شجع احصانه وأصبح سبوق

ياراعي الدرة اصحى تغفل وتنسرق
.......... امسيت راعي درر واصبحت مسروق

كلن على ما يرى له مبدا ومنطلق
.......... وان تراني على الناموس دايم شفق




الله لا يهينك يالجذع وبيض الله وجهك والصراحة

اتحفتنا بمشاركتك معي ونشالله نتقابل بايام مقبلات

تقبل تحيات اخوك : ابو مشعاب

صحيح راع الدرة ومجهز(ن) الفشق
.............. ماظن يقدر على المقراب واحد سروق
أظن تعرف الصبح وأظن تعرف الغسق
.................. شتان ما بينها اغروبها والشروق

يا مرحبا بك يا أبو مشعاب وفرصة سعيدة
ونلتقي انشالله عن قريب