رد الشاعر غالب أبو كتيفة على قصيدة الدكتور عائض القرني

رد الشاعر غالب أبو كتيفة على قصيدة الدكتور عائض القرني :




لافض فوك وحي ذا العين والراس
وياحي ربعك طيبين المفاعيل
بالقرن مال أمجادهم حد وقياس
أهل السيوف المرهفات المصاقيل
ياشيخ مهما دندنت بعض الأجراس
محشوم مال الشك يمك مداخيل
أديب عالم دين سيرتك نبراس
نور(ن) يبدد واهجه عتمة الليل
وعتيبه الهيلا على قب الأفراس
فعولهم تفحم زحول الرياجيل
واهل الكبود اللي من الغبن يباس
تمسي مغاليل(ن) وتصبح مغاليل
تاقف مراكبهم على شاطي الياس
لاقدموا ميل(ن) ولا وخروا ميل

صح السان أبو كتيفة

ولاهنت على النقل

تحيتي

نعم القبيلة بالقرن ونعم الرِجال ويستاهلون المديح ، وصح الله لسان الشاعر ووافي ولاهنت أخي صاحب الموضوع

صح لسانه ولاهان

ونعم في ابوكتيفه العصيمي ،،،

صح لسان ابو كتيفه وبيض الله وجهه



تحيتي

صح لساااااان ابو كتيفه ولاهنت ياسنايدي

صح لسان الشيخ الشاعر غالب ابو كتيفه العصيمي

وبالقرن كفو ويستأهلون




لافض فوك وحي ذا العين والراس=وياحي ربعك طيبين المفاعيل
بالقرن مال أمجادهم حد وقياس=أهل السيوف المرهفات المصاقيل
ياشيخ مهما دندنت بعض الأجراس=محشوم مال الشك يمك مداخيل
أديب عالم دين سيرتك نبراس=نورٍٍ يبدد واهجه عتمة الليل
وعتيبه الهيلا على قب الأفراس=فعولهم تفحم زحول الرياجيل
واهل الكبود اللي من الغبن يباس=تمسي مغاليلٍ وتصبح مغاليل
تاقف مراكبهم على شاطي الياس=لاقدموا ميلٍ ولا وخروا ميل