هل يقصد سلطان الهاجري روقة عتيبة او ال روق قحطان

من ا شهر قصائد الشاعر سلطان الهاجري مدح فيها روق ولكن هل هو يقصد الروقة العتبان او ال روق القحاطين
اتمنى الجواب الشافي وشكرا

اليكم القصيدة علما بانها

منقووووووووووووووووووووووووووووووووووووووووووووووو ووووووووووووولة

قالو شراله خمــــس ميه وستين
مسكين قلت اللي على البال كافي


ما دامني في انظار الاقزام مسكين
هذا دليل اني عزيزوافي


نعم شريت البنز الاخضر بتسعين
سمته وتليته بتسعين صافي


ابيه إلى منه غدى الليل ثلثين
واقفت مدابيح النجوم المقافي


انخاه والدمعه تحت محجر العين
نخوه دريك ٍ ناخي ٍ له سنافي


غيرت له زيته وفللت بنزين
واستنشق البنزين عقب الوقافي


كنه يصعط من صعوط المجانين
يرسي إلى جا في الطريق انعطافي


و قفى كما طير كفخ بالجناحين
نور الحساء قدمي و سلوى خلافي



منصاه في نجد العذيه عزيزين
هل موقف ٍ يوم الحرايب تشافي


الاد روق مرجحين الموازين
شطرن ركب من قاف غيري لقافي


ترعابهم في الخوف سود العرانين
ويبدي شحمها عقب ماهي عجافي


غربيه بأصل الصداقه وفيين
ونا لهم مع طول الايام وافي


قلته وانا من عزوتن تنزع الدين
ستر العذارا لا رمن بالغذافي



هواجر ٍ وصل القبيله قحاطين
مرويه حدب السيوف الرهافي



وختامها بالمستكا والرياحين
اخذت من نده وعطرت قافي

الاد روق مرجحين الموازين
شطرن ركب من قاف غيري لقافي


ترعابهم في الخوف سود العرانين
ويبدي شحمها عقب ماهي عجافي


غربيه بأصل الصداقه وفيين
ونا لهم مع طول الايام وافي


المقصود بهذة القصيده الروقه من عتيبه وبالذات مطلق الغربي الروقي والدليل بقوله غربيةٍ في البيت الملون بالاحمر

خذ الكلام من اخوك

سلطان صديق للغربية وخاصة المرحوم متعب الغربي000 وله مرثيه فيه يقول فيها





ياماجد انا اعرف الدربي
على المغابيش والمسـرا
مانيب من دولة الصربـي
جاهل لا يكتب ولا يقرا
صفق الهوا ما يحدّر بـي
يصفق على الذرعه اليسرا
تدري منهو مفرّج الكربي
لا قلت تكفى ياخو قمرا
مرحوم يامتعب الغربـي
اللي توفـى ورا شقـرا

ع العموم قولته ألاد روق يعني روقة عتيبه بصفه عااااااااااااااااااامة؟؟؟

صدقت متعب

وانا كاتب مطلق خطأ املائي عندي

محمد الذيابي
شاعر مشاعر
اشكركم جزيل الشكر على التوضيح

والله ونعم بمتعب الغربي وبالغربية عموم

ونعم بسلطان الهاجري وقبيلتة

الله لايهينكم

القصيده موجهه للشيخ متعب بن ضيف الله بن وارد الغربي رحمه الله

وقد رد متعب بقصيده




قــالــو شـــــرا مـــــن غـالــيــات الـمـثـامـيـن =قــطــم الـخـشــوم الــــي تــبــوج الـفـيـافــي
افــجـــح مـــــن الــــــي يــقــربــن الـبـعـيـديــن =وعـقــبــه الــيـــا جـــربـــت غـــيـــره تــعــافــي
كــنـــه يـــقـــول الـــيـــا نـهـمــتــه تـــبـــا ويــــــن =مــثـــل الـعــديــم الـــــي لــيـــا قـــــال يـــافـــي
منـوت غريبـن مامعـه غيـر ضلعيـن =وقلبه من اللوعـات يرجـف ارجافـي
ماكـنـه الا مــن احـسـاب المسـاجـيـن =الـــــــي هــمـــومـــه يــــــــا ردنــــــــه اردافــــــــي
الـــــزيـــــن لــــــــــو نــــــــــه يـــــحــــــد بــمـــلايـــيـــن =مـــــــــــادام تـــــاجــــــد قــيـــمـــتـــه لا تـــفــــافــــي
لــــــــولا نــعــاتــيــت الــريــاجــيــل شــرهـــيـــن =مـاصــار فـرقــن فـالـعــرب واخـتـلافــي
يـامـرحـبــابــك فـــــــي قـــلــــوب الــمــوديـــن =قبـل السـلام وقـبـل كـيـف المصـافـي
مـــن عقـبـهـا كـيــف فنـاجـيـلـه الـصـيــن =والـعـود الازرق والـشـحـم لـــه قـوافــي
اقــلــوبــنــا واصــــدورنـــــا لـــــــــك دواويـــــــــن =وعــــيــــن افــراشـــلـــك وعــــيــــن الــحـــافـــي
لــــو مـاعـنـيــت الــنـــا نـجــيــك امـتـعـنـيـن =هــــــــــاذي عـــوايـــدنــــا نـــــعـــــز الــســنـــافـــي
تشـفـق عـلـى نــاس لـشـرواك شفـقـيـن =هــــــــذا كــــلامــــي والــيــمــيـــن اعـــتـــرافـــي
غالي ومن روس الرجال المسمين =يـــوم الـيـديـن مـــن الـمـراجـل احـفـافـي
هواجـر فـي ماقـف الضيـق صلفيـن =يـــــــــوم الـــمـــواقـــف يـــبـــســـن الاشــــافـــــي
هـــــــذا وحـــنــــا الــــنــــا ســــلــــوم وقــوانـــيـــن =نـعـرف بـهــا مـــن بـيــن سـبــع الـلـوافـي
ذبــاحـــت الـحــايــل اكـــعـــام الـمـعــاديــن =ريــــف الــركـــاب الــيـــا لـفــنــا اهـجــافــي
وســـلـــم ودم يــامــيــز الـــزيـــن والــشــيــن =عــــســــاك دايــــــــم طـــيـــبـــن و مــتــعــافـــي

بلاشك انه يقصد روق عتيبه والشيخ متعب الغربي بالذات

ويستاهلون عتيبه المدح

اكيد يقصد روقة عتيبه وليس روق عتيبه لان مافيه روق الى قحاطين وهذا معروف
بس الان ماعاد يميزون الناس الاد روق الي يسمع القصيده بيقول روق قحطان لان العتبان مافيهم روق
فيهم روقه ونعم بروقة عتيبه ويستاهلون المدح

هذي قصيدة مزوره ماقالها الشاعر سلطان الهاجري

هذي قصيدة مزوره ماقالها الشاعر سلطان الهاجري

المزور والله انت راجع تسجيل امسية النعيرية وعساك سالم


على العموم البيت هذا فيه جواب على التساؤل

غربيه بأصل الصداقه وفيين
ونا لهم مع طول الايام وافي


قوله غربية هي القبيلة الروقية المعروفه

وعندما قال الصداقة فهذا يدل انهم ليس قحاطين والا قال الرفاقة

وسلطان شاعر عملاق ولايخطي الخطأ الكبير ليقول (الاد روق مرجحين الموازين)

وهذا معروف بيت بن طوالة في الروقة العتبان

الله يرحم متعب أنا اشهد إنه فقيده

كان عندي قبل حادثه بـ ليلتين هو وبن محيا والتوم ومشعل الغبيوي
وتعشوا عندي وسروا لـ ساجر ، وبعدها بـ ليلتين جاني خبر حادثه ..

ومتعب وليده ايمن وسنافي ووليده ، قليل جنسه بالرجال
الله يرحمه برحمته ، ويغفر له ، ويسكنه الجنة

والقصايد والمدح موب كثيره على متعب ، يستاهلها من سلطان الهاجري ولا غيره ..