قصيدة الشاعر ذعار بن مشاري بن ربيعان

لاضاق صدري من هموم تولاه
وزاد العماس وقام صدري يفوحي


انا بلاي اللي على الرب مشكاه
اللي محرولني ولا أحتلت اروحي


والله يلولا العظم يومني املاه
وأكويه بالجمره ويكوي جروحي


مع دلة صفرا على النار مركاه
وابصر بصبتها على كيف روحي


فنجالها يشدي خضاب الخونداه
الجادل اللي عند اهلها طموحي


لا أطق طقة محة البيض بخباه
لاقام هاجوس الضماير يجوحي


يامزين الفنجال خصص هل الجاه
راع الجمايل قبل قنن قموحي


صبه لمن هو تنثر الدم يمناه
يثني جواده عند راع اللدوحي


والثاني اللي ماتوني مطاياه
يضوي اليا صكت عليه النبوحي


وعده لمن عوص النجايب تنصاه
ريف لهن لاجا الزمان اللحوحي


دب الدهر يضحك حجاجه لمن جاه
وقت المعاسر مارد مايزوحي


وباقي الرجال فحول نسوان ورعاه
ظباط مال وحافظين السروحي


وراع الردى ماحد الا مات ينعاه
لاصار محروم جبان شحوحي

..



صح لساااااااااااانكـ يابن ربيعان..