خلووووها ... اقرب شاعر يتفضل

خلوووووهااا
ياهلا مرحبا ترحيب وافي .... من هجوس{ن} تجيب العلم كله .... فوق ظهر البحر مجرى السفينه .... واسري يالليل والبيرق سعودي
كل ديره بـــيحكمهـا الســـنافي .... فالـــمواقيف سيفه هو يسله .... مـا انتظر فزعتك يا نــور عينه .... واسري يالليل والبيرق سعودي

البقاء قلتها من قلب صافي .. مثل وبل مزونه مستهله.. من هجوس تدور للثمينه .. واسريا ليل والبيرق سعودي

هات يالازوري زين القوافي..سر مع الدرب وعيونك تدله .. حظ من زار مكه والمدينه.. واسرياليل والبيرق سعودي

صحت السنتكم الازوري والوابصي

كــيف شفت القمر وتقول خافي .... والقمر واضح{ن} عالي محله .... صاحبي غـرهـا الله لا يهينه
واسري يالليل والبيرق سعودي
ما لـبـسـت الثـياب الا الظوافي .... وانت ثوبك نشوف ان فيه خله .... ما كـتـمل غير وجه الله بزينه
واسري يالليل والبيرق سعودي

حمود بن خيشوم العصيمي صح الله ابدنك وحياك

كان فسقا ن صحه ومتعافي ... احمد الله على ستره وظله ...ماعلينا ولا جاكم غبينه ... واسرياليل والبيرق سعودي
دوبنا ماابتدينا بالطوافي ... صاحبي وده أحرامه يحله... يمكن أن السبايب من قرينه ... واسرياليل والبيرق سعودي

صحت السنتكم الازوري والوابصي

وانت صح بدنك يالطيب

زبــدة الـهرج تغنى كــل كافي .... كــان جاك الــخبر دقــه وجـله .... صاحبك مــا رضى عيشه تهينه
واسري يالليل والبيرق سعودي

ماتدوس الجمر والقدم حافي .... ماتجيب الصدق من دون والله .... مايبور الذهب عاشـت سنينه
واسري يالليل والبيرق سعودي

أمش قدام لا تمشي خلافي...وان سمعت النداء للفرض صله...والتقي له علامه في جبينه... واسر ياليل والبيرق سعودي
القوافي كما البيض الرهافي...وانا يالذيب ما سويت زله ...صاحبك بالوفاء قدم يمينه ... واسر ياليل والبيرق سعودي

ورد الضاميه عد{ن} وظافي .... لا تصدق عدودك ما تفله .... وانت تحت القدر نفسك رهينه
واسري يالليل والبيرق سعودي

حاجتي منك صوره بالغلافي .... ما يـسـاوي كثير العد قله .... عـلـمـي وجـاك ما بينك وبينه
واسري يالليل والبيرق سعودي

الختام عندك يامنيف وصح الله السانك

يابحر لاسيوف ولا ضفافي...حلق عصفور يمكن ماتبله...ندري أن الأسد بيته عرينه...واسر ياليل والبيرق سعودي
دامت الروس تغطاها الكوافي... يامظلي قفز عنده مظله...حبك اطحنه ولا اترك طحينه ...واسرياليل والبيرق سعودي


ومع السلامه وتصبح على خير