ذياب بن قويسي المرشدي الشيباني(رحمة الله)

والله ماذم اللي تنومس فعولة =اللي لهم في الطيب صولة وجولة ..
آلاد مرشد كاسبين المدايح =حمولةٍ ياطيبها من حمولة ..
في مدحهم حتى القصيد يتشرف =اقولها واهل المروة تقولة ..
لكن فيهم شايب مايعوضّ =مهما تعلو فوق ماهمب حولة ..
من طيب فعلة طيبهم ذاع صيته =بنالهم في قمة المجد دولة ..
شيخٍ على الجزلات يتعب ركابة =ضاري على الجزلة بسن الطفولة ..
قال المراجل مالها الا صميدع =اليا عصب راسة يحوش الرجولة ..
ثم احتزم للمرجلة في حزامة =في كل ميقافٍ صنعله بطولة ..
لين استوتله واذعنتله مطيعة =وامست بحكمة طايعة ومعقولة ..
جوّد رسنها في يدة ماتركها =المرجلة ماجابها بالسهولة ..
مشيدٍ بيته على طاعة الله =يمشي بشرع الله وسنة رسولة ..
والباب ماصكة لاجوه الطراقي =يقدّم الحايل لهم لا لفولة ..
كم ليلةٍ عشا ضيوفة وجارة =ماهو من اللي يجمعون السيولة ..
والربع يمشي دايماً في طلبهم =وان كبرت القالة عليهم لجولة ..
وان صاح صياحٍ يبي فزعتلة =يبشر بعزة والسعد في قبولة ..
واليا نخاه اللي قصاصة قريّب =محكوم ظلم وعزوته مانتخولة ..
والله مايمرح ويهنا بنومة =حتى يفكة من قصاصٍ يطولة ..
حتى وهو ميت يحل المعاضل =وهيه للا ذكرة ماهيب محلولة ..
قالو على شان الكريم المسمى =روحو وباب المشكلة في قفولة ..
واليوم من طيبة وطيب الفعايل=كل الدخيل كاسبين الرجولة ..

صح لسانك يامشاري ,, قصيدة جزله

ويستاهل المادح والممدوح العلم الغانم

صح لسانك يامشاري ,, قصيدة جزله

ويستاهل المادح والممدوح العلم الغانم

صح بدنك ياعزوز

ولاعليك زووود

لاهنت يالقرم

صح لسانك ياشيباني