الصمت

السلام عليكم ورحمه الله وبركاته

هذه القصيده سمعتها واعجبتني وحبيت اشارككم به






قالوا علامك صــــــــــــامت وقلت ياناس = كثر الكلام يقل لاجـــــــــــــــــــــله مقامي

الصمت حكمه والحكي مــــــصدر إفلاس = ولقيت في صـــــــــمـــــتي يزيد احترامي

الصمت له معنى وله ذوق وإحســــــاس = مركب نجاتك في بحـــــــــــــور الظلامي

ترى الرجل صوره من الـــراس للساس = ثم يتبين جوهــــــــــــــــــــــــره بالكلامي

إما نطق في كلمة ترفـــــــــــــــع الرأس = تضفي على شكله جــــــديــــــــد الاسامي

وإلا يعود معدنه مـــعـــــــــــــــدن نحاس = يرميه سهمه بــــــــعـــــــــد ماكان رامي

لا صار عندك من ثمـــيـــــنــات الألماس = خله بــــــــصــــــدرك لين وقت التمامي

أخاف يطلعلك مــــــــــــــن الناس بلاس = وإلا ســــــــــــــفـــــــــيه ما يرد السلامي

الله خلق خلقه على عـــــــــــــدة أجناس = وكلن يسوقه مذهـــــــبــــــــــــه للأمامي

والله خلق بالطير قمري وقــــــــــرناس = ووقت الهدد ما ينغزي بالحـــــمــــــــامي

لا جال في صدرك من الهم هوجـــــاس = وعينك يحاربــــهـــــــــــــا لذيذ المنامي

ونفسك عليله والفــــــكر صار محتاس = اترك طمان القــــــــــــاع وارق السنامي

عليك بالعالي ليا هب نســـــــــــــــناس = يبري الجروح الخـــــــــــافيه والعظامي

وخلك لربــــــعـــــك دايم الدوم نـبراس = وخص القريب وخص ولد العـــــــمامي

خلك لهم في داجــــــــي الليل مقـباس = ولصاحب أصدق من حقوق الغمـــــامي

ربعك ذراك ليا لحق راســــــك البـاس = قدم لهم شربك ولو كنت ضـــــــــــــامي

وخلك لثوب الطيب والعز لبـــــــــاس = واترك دروبٍ تنـــــــــــــــتهي بالحرامي

وفعل الجميل وواجب الضيف نومـاس = ومن لا نفع بالضــــــــــــيق نفعه عدامي

بيت الكريم أبوابه بدون حــــــــــراس = وبيت البخيل يــــــــعـــــــد مثل الهدامي

كلٍ بها الدنيا نصيبه بـمـــــــــــــقياس = ياخذ نصيبه لوجـــــــفــــــــــوه الأنامي

ترى الرجل صوره من الراس للساس=ثـم يتبيـن جـوهـره بالكـلامـي

الله الله

لاهنت لاهنت يالطير والقصيده كلها وافيه وصح لسان شاعرها
ومشكور على النقل

الله لايهينك يابن سهاج

وصح لسانك ومشكور على الرد الجميل

الطير

من طول الغيبات جاب الغنايم

صح السانك والسان شاعرها

تحيااااااااااااااااااااااااااااااااتي

الدلبحي

لاهنت وصح بدنك يالغالي

صح لسان


شاعرها


تشكر على نقل هالجزله


تحياتي

صح لسانك اخوي الطير


لكن القصيده مسجله هنا باسمي

في هذا الرابط http://www.alhaila.net/m/showthread.php?t=18756


تحيااااااااااااااااااتي

الأخ ابن نعيس

السلام عليكم ورحمة الله وبركاته

اشكرك على الرد

واعتذر منك ومن جميع الأخوه الأعضاء والزوار على هذا الخطاء

وللحقيقه لم اكن اعلم بوجود القصيده

وأكرر أسفي وأعتذاري

اخي العزيز الطير


العذر ماله داعي...وانت ماسويت الا الواجب

وبيض الله وجهك ومشكوور على جهووودك لخدمه هذا الصرح الشامخ



تحياااااااااااتي