ابن جدلان ومجارات عيد سمير

هذه قصيده لشاعر الكبير سعد بن جدلان وقد جاراه الشاعر الكبير عيد سمير الحربي :


يقول ابن جدلان:

ترى الخير له كتاب و الشـر لـه كتـاب
و كل من الكتـاب لـه نشـرة و اعـلان
نديمك على الدنيا ليا طـاب و قتـك طـاب
و لا شان وقتك شان و ان زان و قتك زان
يظما لك و يخرمك لك و من وحشتك يرتاب
علي الحـرام إن الخـرم للنديـم ادمـان
و الصحبة توجها وفـا معشـر الاصحـاب
مثل المسعري مبخوت و لا مثـل حثـلان
اللي مـا يسـوي مثلهـم بالوفـا كـذاب
لو انه يتمظهر بالمظاهر ما هوب انسـان
اللي ما يقابل هرجـك بلـب و استيعـاب
ما يمديه يعرف قيمة الحـب و الكرهـان
يا ذات اللبيب اختار ما نلت منـه اعجـاب
و الباقي يسجل تحت توقيـع بـن جـدلان



مجاراة عيد بن سمير :

ياذات اللبيب ايقظت في صوتـك الالبـاب
كلام ٍ يخلد له صـور مـع هـل الأذهـان
لو الصدق مالـه نـور ماللحـرم محـراب
يقول الرسول اللي ما صار و حصل ما كان
ترى الكذب بيت العيب و الصدق ما ينعاب
من الله خلقها يـوم كـان السمـا دخـان
أحـب المدايـح بهـل الـديـن و الآداب
و ترى الحق جهره نور و الصمت للشيطان
و مبخوت ساس بالدواسر مـن الانسـاب
و حثلان بن ناصر مـن العـزة السبعـان
و تمدحهم الشعار مـن كـل فـج و بـاب
قبل يشهـد المحبـوب و يزكـي الديـوان

وسلامتكم

صح لسانك ولسان الشاعران

لاهنت على حسن الاختيار



تحيااااااااااااااااااااااااااتي

ابـن نـعـيـس

صح بدنك وتسلم على مرورك الكريم


تحياااااااااااااااااااااااااااااااتي