الا يــاعتيبه دوم دايـــــم علـى البــال
عايض الدوسري09-Feb-2006, 09:11 PM
خلوووووها
سلامي سلام الرجال من راس رجال....على اهل الكرم والطيب الرد سلامي
الا يــاعتيبه دوم دايـــــم علـى البــال....جنوب السعوديـــه وغـــــربن وشامي
فواز الشيباني09-Feb-2006, 09:33 PM
اخي عايض الدوسر
ماعليك زود ياغالي
بس اعذرني انا ماني شاعر
يجون الشعار ويردون انشاء الله
المورقي11110-Feb-2006, 02:15 AM
اسمع يالدوسري:-
هلا مرحبابك عد ماهل همال ********يهل المطر وتقوم كل النوامي
ترى ماعليكم زود ياطيب الفال*******عيال الدواسر حاملين الوسامي
مرزوق حمدان العتيبي10-Feb-2006, 02:23 AM
عايض ... والمورقي
طاروق يشد المتابع ..
واصلواااا وحنا متابعين بشغف ..
اخوكم ...
عايض الدوسري10-Feb-2006, 03:28 PM
خلوووها
يــــدوم الـــبقا يــالمورقي راع الافــعال000بني روق مخبوره نهار الزحامي
نجازي الرجال الفعل من جنس الاعمال000وانا عارفك شاعر وفاهم كلامي
عايض الدوسري10-Feb-2006, 03:30 PM
فواز يعطيك العافيه على المرور
ومعذور يالغالي
عايض الدوسري10-Feb-2006, 03:32 PM
ارحب والله يامرزوق ومرورك شرف لنا
يالغالي يعطيك العافيه
المورقي11110-Feb-2006, 11:13 PM
اسمع:
انا شايفك ماكر وفارس وخيال ******* من الصبح مركزلك ومالي حزامي
تبا تحجب الشمس العظيمة بغربال****** وهذا خطا والنور يجلى الظلامي
عايض الدوسري11-Feb-2006, 10:49 AM
خلووووها
انا شايفك تبقى المشاكل وجنجال....ويلن جات يابن روق غاية مرامي
الاياولـــد شــغل رادرات الارسال....علشان تالع النار والسوق حــامي
المورقي11111-Feb-2006, 08:30 PM
ترى لويجي في الارض هزه وزلزال***** تغير ظروفك ياالبعير التـهامي
لكن احمـد الله قبـل تـغيـير الاحوال ***** ترى كثرهرجك مايثر اهتمامي
عايض الدوسري11-Feb-2006, 11:36 PM
خلووووها
عسى الله يبعدنا عن دروب الانذال ....ونبقى على عز وشرف كل عامــي
تـرانا نحب الفــــعل مانحب الاقوال....وهــرجن تقـــوله مـــايغير مقــامي
المورقي11113-Feb-2006, 03:37 AM
اسمع
وانا ماأقبل التعات والقيل والقال ***** لكن انتبه تفسد عليه صيامي
وقدمك عريب الجد والعم والخال **** عتيبي كلامه مثل حد الحسامي
عايض الدوسري14-Feb-2006, 06:21 PM
خلووووها
تركــد تــريح ثــم بعطيك فنجــال....وفنــجال حشمه لــرجـال الحشامي
ترانا دواسر نلوي حبال باحبال....ونراد حياض الموت ورد الضوامي
الهيـــــــــــــلا *** منتدى قبيلة عتيبة
« آخـــر الـــمـــشـــاركــــات »
