قصيدة سعدون العواجي بعد مقتل ابنائه

هذه قصيدة سعدون العواجي بعد مقتل ابنائه عقاب وحجاب

والا اعلم هل قد ذكرت من قبل ام لا فان ذكرت من قبل فالمعذره وان لم تذكرفالحمد لله


ياونة ونيتها تسع ونات= مع تسع مع تسعين مع عشر الوفي
مع كثرهن باقصى الحشا مستكنات= عداد خلق الله كثير الوصوفي
ونة طريح طاح والخيل عجلات= كسره حدا الساقين غادٍ سعوفي
على سيوف بالملاقي مهمات= سيفين أغلى ماغدا من سيوفي
وعلى محوص بالموارد قويات=اسقي بهن لو القبايل صفوفي
أحشم بحشمتهن ولو هن بعيدات=وانام لو ان الضواري تحوفي
خليتني ياعقاب مابه مراوات= عيالك صغارٍ والدهر به جنوفي
من عقبكم مانبكي الحي لو مات= ولاني على الدنيا كثير الحسوفي
وياطول ماجريت بالصدر ونات= على فراق معطرين السيوفي
وياعقاب عقبك شفت بالوقت ميلات= واوجست انا من ضيمٍ بقعا حفوفي
مرحوم يا نطاح وجه المغيرات= إن جن كراديس السبايا صفوفي
مرحوم يا مشبع سباعٍ مجيعات= وغز الله انه عقبكم زاد خوفي
الخيل تدري بك نهار المثارات= ياللي على كل الملا فيك نوفي
والخيل تقفي من فعولك معيفات= تاطا شخانيب الرضم ماتشوفي

...
. قصيده مشهوره
تستحق الشكر عليها اثلث ...

.

صح لسانك والسان الشاعر

لاحرمنا من طرحك الرائع


الله يعطيك العافيه

اخوي مرزوق شكراً لك على التواصل والمرور

ومن يستحق الشكر هم من امثالك اخوي مرزوق

اخوي فواز مشكور على المرور

ونحن بجانبك نقطه في بحر

والله يسلمك ولايحرمنا منك ابا مشاري

السلام عليكم ورحمة الله وبركاته.
أخي الكريم .
تسلم على هذه القصيدة الممتعة .
لك مني كل الحب والتقدير .

مشكور اخوي نواف الحمادي

والحب والتقدير لك انت اخوي نواف

وعلى خفة الظل ياولد الحمااااادي