ياطير حذف مابقى لك من الريش -في المقناص رائعه

ياطير حذف ما بقى لك من الريـش=وسهيل موعدنا حـرآ كـل قنـاص
في طلعته زانت جميـع المطاريـش=وننسى وداد اللي تزين بالاخـراص
وصقار برقى قـدم كـل المداغيـش=وهو عمدة الطرقه على جيبه الشاص
واليا نزلنا فـي فيـاض" مباهيـش=ماسج فيها وخاصها اليـوم خـواص
اللي بها جـول الحبـارى مفاريـش=من كثرها ما طلبت اليوم قصـاص
وأول سعدنا هـدة الطيـر للجيـش=جيش الحبارى الربد والطير بخـاص
مابين تنجيـم" وضـرب" بتنفيـش=وأضرب مثاله فالبحر غوص غواص
والريش من كفـه ثريـر" مناتيـش=كاسي القشع كنه مشابـه للاقمـاص
قميـص عـذرآ" ماليتـه الدناديـش=مطرزينه بالذهب والذهـب خـاص
ومقناصنا للصيد ماهـو بتطشيـش=نقنص ولا نكثر على الصيد الانقاص
ونرجع لعزبتنـا تعابـى معاطيـش=على دلال مبهـره تمرهـا خـلاص
وسوالف" تحكي زمنا مـع الطيـش=ذاك الزمان اللي جرت فيه الاقصاص
هاذي حلاة العمر ياصاحبي عيـش=وان عشت بأذن الله بتسعد بمقنـاص
للشاعر منصور ابن شحبــــــه الجعيد
وامل ان تنال اعجابكم

مشكور

ويعطيك العافيه

ولاهنت على القصيدة
وصح لسان الشاعر

صح لسان قايلها وسلمت يمين ناقلها..

ولك كل ألتقدير...

مشكووووور على المرور يابو بجاد

مشكووور يامتعب على المرور الجميل ولاخلا ولاعدم يابعدي