يالجذع سويت لي فيك معروف

يالجذع سويت لي فيك معروفٍ كبير=انت تجزاني بمعرف ولا تنكره
عام الاول فرق واضح عن الوقت الاخير=راجع اللي فات وان كان ناسيه اذكره

بيض الله وجهك يالغالي

على الابيات الجزله ننتضر

الجذع

الغربي


مشكور يالغالي على المرور وبيض الله وجهك

مالكم فضل عليه ..قليل ولا كثير =مير فمك الله يخليك لامك سكره
ويش زدت الله يعافيك فالبحر الغزير =وهبه الله واحمد اللي وهبني واشكره

انت ياللي تجحد اهل الوفا ما فيك خير=ينكره قربك و خوّتك والله تنكره
يا ولد عسّاف انا خابرك ورعٍ صغير=الكبود تعلّها والمزاج تعكّره

عام الاول فرق واضح عن الوقت الاخير
راجع اللي فات وان كان ناسيه اذكـره

ويش زدت الله يعافيك فالبحر الغزير
وهبه الله واحمد اللي وهبني واشكره

يا سلام يا اساتذه

هنا الابداع بعينه

متابع

محاولة اثبات حقيقه من شاعر كبير
ومحاولة (للجحدان هه) والانكار من شاعر كبير ايضا

هل نطلب البينه ونحلفهم؟ ام نكتفي بالمتابعه حتى النهايه

لابد انها ستكون من اجمل النقاشات المبرره بالادله

لاتطيرها بلا ريش مايمكن تطير =النشاما خابره ..والعقول مفكره
البلاء فاللي على خبرنا عظمه كسير =لو ربي رازقه بالوسوم مبكره

حجّتي معروفه امضى من السيف الشطير=من توسط لك و قص لك كرت التذكره
من ظلم يلقى مصيره ولبئس المصير=كيفنا بالبنّ والهيل دايم نحكره

سلطان والفالح إبداع واصلوا عساكم على القوة