قصيدة الشاعر محمد الحارثي يهجو فيها سلطان الهاجري وضيدان بن قضعان على قصايدهم وهنا ؟

السلام عليكم ورحمة الله وبركاته



في عامنا الخامس بعد عام الآلفين ---- كم هاجسن حامي جيني زيارهـ
اليا أحتمى الهاجس وجينا محامين ---- مثل الزناد الي تقادح شرارهـ
كلام ابن وسام مابين قوسين ---- زود مرارته القديمه مرارهـ
وكلام مسلط شيخ كل الجمالين ---- كله بياض وفيه رمسه سمارهـ
يا أثنين يالي بالقصيد متواصين ---- شطار لكن غيركم بالشطارهـ

شاطر شطير الحد ماينتهي لين ---- يديركم بين الفلك في مدارهـ
مير أسمعوها زبده الهرج يأثنين 0000 يأ أ صحابنا الي تعشقون الآثارهـ

نعمين يا هل دبي والعين نعمين ----- يا أهل المقر الي يذري جدارهـ
بأ فعالكم كل الخلايق مقرين ---- ولاينجحد طيب النشاما وكارهـ

ألي كتب فيكم من المدح بيتين ---- مدحه تجاوز وأختلف عن مسارهـ
من وين ياضيدان وموجهن وين ---- عفت الآماره راغبن في التجارهـ
ترى الملوك الي على الخف والقين ---- ثارت على البيداء بعز وجدارهـ
خلو لك خدود ولغابيب وبطين ---- يا حيف يا ناسي معاريف دارهـ
يا ما نصيت قصورهم تشكي الدين ---- وحدن تعذر لك وجاك اعتذارهـ
وسافرت تشكي فقر يا ساكن بين ---- قوم تمد ولاتحسب الخسارهـ
منهم يا أبن قضعان يكفيك ثنتين ---- يوم أن شخصك يحسبون أعتبارهـ
قصر على سطحه علم راية الدين ---- وجيب شعار الداخلية شعارهـ
وصفت نفسك عقب رحلتك للعين ---- سواة من بذ العرب بالخطارهـ
وأن كنت عايف من وطن نجد ذالحين --- سلم جوازك لا وصلت السفارهـ
والمكز الي من ورى جوده يمين ---- لازم حكومتنا تعجل قرارهـ
ويصدر بعد تعيين ضيدان تعيين ---- لملهي تسلم ختوم الآمارهـ
ضيدان ما دامك على الراس والعين --- ثوب لبسته لاتقطع زرارهـ
ونرضيك لوتزعل بحاشي وشاتين --- وأن طولة بالحيل ددسن غمارهـ



الشاعر: محمد الحارثي

مشكور يابوداحم حاول

مشكور وماقصرت

مشكور ابو داحم على قصيدة الهجاء وصح لسان شاعرهاا

شكرا علي المرررور