روق وبرقا

سلام الله سلام آلاد روق إليا نصوّ برقا=سلام من صميم القلب يجري داخل عروقه
أشوف المسلمين بقاعة وسط البحر غرقا=ولابه من جدى لإنقاذهم والسفن مخروقه

حـــجــــز
...
صح لسانك ياماجد وانتظر الرد

صح بدنك
وياهلا ومرحبا

هلا يامرحبا ترحيبة ٍ باهل الوفا ترقا = واخص بها ولد مفلح بعدغنى على طروقه .

ياماجد اكرب حزامك ووجه شامٍ وشرقا = ورح للديار اللي بها الاموال مسروقه .

واسف على التاخير واجهت مشكله فالاتصال ..

ماجد الدعجاني :صح لسانك .

أبو مشعاب : لله درك .

واصلوا ومتابع بتمعّن .


أخوكم /قادح شرار.

صح السنتكم يالشعار

متابعين لكم والليل لايطفي سراجه

يدوم إلك البقى يامن عن الأحرار به فرقا=كما حرّ براس النير ماحطّوا به سبوقه
ولا ياللي تبى تزرع وكل أشجاركم حرقا=تنادي للمياه وأرضكم ياشين ممحوقه
ماعليك يالغالي

يامرحبا وغلا
صحّت أبدانكم

ماجد صح السانك يالغلا

أنتظار الروعه (( ابومشعاب ))

مرحبا وغلا يالغالي
صح بدنك
وأتشّرف باللعب مع الشاعر أبو مشعاب
عساي أتجمّل أمامه وأمامكم

وانا كذلك تشرفت معاكم بالمنتدى هنا

وعساني ضيف خفيف عليكم يعيش معاكم

افرحكم هنا

ياهلا ومرحبا
أنت المعزّب وحنّا ضيوف

توصيني وانا اوصيك باهل الجرم والسرقا = تجاهدهم وتحفظ للوطن ياماجد حقوقه .

ترى الارزاق مكفوله من الله رازق الخلقا = يغيث الارض خير وتنبت الربله ورقروقه .

الاخ الغالي قادح شرار
صح بدنك ومرورك يشرفني طال عمرك ..
..

الاخ الغالي بدر الديحاني صح بدنك
انت اخو عزيز وغالي ولا انته بضيف ..
..

انا ماني نبي ياصاحبي لاغنّت الورقا=بإعجاز الإلاه تسبّح الورقا بمنطوقه
غني القوم من ماباس به قد طق به عرقا=يشب النار في ماله والأعضاء منه مفتوقه

محاوه قمه وقاف رائــع..

لاعدمناكم شعرائنا ماجد وأبومشعاب ..

متابع ..

بدر حياك الله ..والله نتشرف بأنتسابك لهذا الصرح الشامخ ودمت بخير يالغالي..

ياهلا ومرحبا يالغالي
الروعه بإسلوبك الرائع
مسرور بردّك الكريم

الله الله
استلم ::)


نبا نبعد عن الشبهه قبل لا تحصل الفرقا = سببها زلةٍ فالهرج ماثمنت منطوقه

ليا حصلت لك مثله دواه تكثّر الحرقا = تجيب الميسم الحامي وتكوي الراس وشقوقه ..
..

عبد الله الجذع
مرحبابك يالغالي وشرفتني بمرورك ..
...

اخوي ماجد الدعجاني
بيض الله وجهك على الطرق الرائع يارائع
وصح لسانك ..
والختام عندك اذا ودك ..
...

أبو مشعاب:
وجهك أبيض يالغالي
وصح بدنك
تشرّفت باللعب معك وزادني شرف إطرائك
مابعدك قولك قول
مودّتي وإحترامي

الله يبيض وجهك وماقصرت ..
...

كفوووووووووو ابو مشعاب كفووو ماجد


هذا شعر المعني سلم يمينكم الله يقويكم يعلي شانكم


صح لسان شعارنا عساهم علي القوه

كفوووووووووو ابو مشعاب كفووو ماجد ابداااااااااااع غير مستغرب منكم