المعاناه

[اخوانى اعضاء منتدى عتيبة الهيلا اضع بين يدكم هذى القصيدة

التى تتكلم عن معاناتى والاسم الوارد فى القصيدة لاحد زملائى وهو السبب

فى القصيدة عند ما سالنى عن حالى كانت الاجابة بهذى القصيدة التى اتمنى

ان تنال اعجاب الجميع

مرت عليه عشـرة اعـوام اعجـاف = والحاديـه تـوى بديـت ابشهرهـا

دخلتهـا عسـاس نـاوى بلنكـاف = واصبحت اسير واغارقن فى بحرهـا

حملى ثقيل والاتساعدنـا الاطـراف = اكفـخ بجنحانـن زمانـى كسرهـا

عشر سنين الحمل من فوق الاكتـاف = متى الليـال السـود يطلـع قمرهـا

عشر سنين ابر حلتن مالها اهـداف = اقصهـا يابجـاد وسمـع خبـرهـا

الخمس الاولى قلت ابسعى وبطـاف= والشجـره المثمـر ابقطـف ثمرهـا

وحضى رمابى بين نزلـه ومهيـاف = ورجلى عن المشراف حضى قسرهـا

وليا نخيته قـال ماعنـدى اسعـاف = دنيـا الشقـاوة عرضتكـم ضهرهـا

والخمس الاخرى مالها عندى اوصاف = شابت اعيونى من هوايـل خطرهـا

لوما قريت البسملـه ثـم الاعـراف = والله ستـر لنفـس جاهـا قـدرهـا

كله لجل يابجـاد نلحـق بلاشـراف = نلحـق رجـال تعجـب اللىذكرهـا

اهل الوفا والطيـب يابجـاد عـراف = ثقيلـت الماطـا بعـيـدن نظـرهـا

ويبجاد عشر اسنين مرت بنا عجاف = والحاديـه يابجـاد هـذا شهـرهـا


وسلامتكم

اخوكم

مشعل العتيبي