قصيد ه مهدا الى سعاد ة اللوء عبدالرحمن ابن مسلط بن ربيعان

جينا لبو سلطان من نازح الدار = على الجيوب مقربات البعيدي
على الجيوب اللي نظيفات وخيار = منصاهن اللي فالشدايد يفيدي
منصاهن اللي دايم يشعم النار = طيبه على طيب الهلا لي يزيدي
شيخٍ ليا عدو هل الطيب والكار = تلقاه الأول بينهم بالاكيدي
عساه يسلم مكرم الضيف والجار = هذا الذي يصلح عليه القصيدي
في مجلسه تلقى طو يلين الأشبار = كلٍ على مايشتهيه ويريدي
رأسٍ من الهيلا كم ضلع سنجار = منصى الركايب بالنهار الشديدي
منصى الركايب لاختلط نار وغبار = من الا د ثابت كاسبين الحميدي
من الاد ثابت يوم دوسات الأخطار = الله جعلهم علةٍ للضديدي
وانشد وتلقى عن هل الطيب الاخبار = تلقى الخبر مع كل رجلٍ سديدي
الا د ثابت مثلهم مابعد صار = بالطيب والتقوى ولطم العنيدي
جينا لبن مسلط نسلم وزوار = يومٍ نشوفه عندنا يوم عيدي
ماهمنا بعد المسافه والأ ضرار = القصد شوفه والتصا فح بالا يدي
شيخٍ يهلى كل ماشا ف خطار = على مفا طيح شحمها جميدي
ودلال ممليا ت با لبن وبهار = والعود الازرق كل ساعه جديدي
نعم الشوارب يابن مسلط والا ذكار = عز الله انك للمراجل تجيدي
عز الله أنك وافياً يابن الاحرار = ما فيك شك وتم رد العريدي

الشا عر / عبد الله العر يدي